ގޯތި ހަދަން ފަސް ޕަސެންޓް އިންޓްރެސްޓް ލޯނު ދޫކުރުން އެޗްޑީއެފްސީ އަށް

ބޯހިޔާވަހިކަން ފޯރުކޮށްދިނުމަށް ލޯނު ދޫކުރުމަށް "ހިޔާވެހި ފައިނޭންސް ސްކީމް" ގެ މަސައްކަތް ކުރިއަށް ގެންދިއުމަށް ހައުސިން ޑިވަލޮޕްމެންޓް ފައިނޭންސް ކޯޕަރޭޝަނާއި އެކު އެމްއޯޔޫއެއްގައި ސޮއިކޮށްފިއެވެ.

Ads by STELCO

އެ އެއްބަސްވުމުގައި ހައުސިން މިނިސްޓްރީގެ ފަރާތުން ސޮއިކުރެއްވީ މިނިސްޓަރ ޑރ އަލީ ހައިދަރުއެވެ. އެޗްޑީއެފްސީގެ ފަރާތުން  ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ އަހުމަދު ޒީނާދުއެވެ.

މިނިސްޓްރީން ބުނީ އެ ސްކީމު ކުރިއަށް ގެންދިއުމަށް ހަމަޖެހިފައިވަނީ އިސްލާމިކް ފައިނޭންސްގެ މިންގަނޑުތަކާއި އެއްގޮތްވާ ގޮތުގެ މަތީން ރާއްޖޭގެ ހުރިހާ ސަރަހައްދުތަކަށް ހާއްސަކޮށްގެންނެވެ، މި ސްކީމުގެ ދަށުން ބޯހިޔާވަހިކަން ގާއިމުކުރުމަށް ލޯނު ދޫކުރެވޭނީ ފަސް ޕްރޮފިޓް ނުވަތަ އިންޓްރެސްޓް ރޭޓުގައެވެ.

ހިޔާވެހި ފައިނޭއިންސް ސްކީމުގެ ދަށުން ލޯނު ދޫކުރުމަށް ހަމަޖެހިފައިވަނީ ދެ ބަވާތައެއްގެ ލޯނުގެ މައްޗަށެވެ. އެއީ:

1 – އަތޮޅުތެރޭ ރަށްތަކަށް ހާއްސަ ލުއި ލޯން ސްކީމެއް – މި ސްކީމުގެ ތެރެއިން އެންމެ މަތީ އަދަދަކަށް ފައިސާގެ ގޮތުގައި ދޫކުރެވޭނީ އެއް މިލިއަން ރުފިޔާ

2- ގްރޭޓާރ މާލެ ރީޖަން ސަރަހައްދާއ،ި ސަރުކާރުން އާބަން ސެންޓާތަކުގެ ގޮތުގައި ކަނޑައަޅާ ރަށްތަކަށް
ހާއްސަ ލުއި ލޯން ސްކީމެއް - މި ސްކީމުގެ ތެރެއިން އެންމެ މަތީ އަދަދަކަށް ފައިސާގެ ގޮތުގައި ދޫކުރެވޭނީ
ތިން މިލިއަން ރުފިޔާއެވެ.

ހައުސިން މިނިސްޓްރީން ބުނީ އޭގެ ތަފްސީލުތައް ފަހުން ހާމަކުރަމުންދާނެ ކަމަށެވެ.

ކުޑަ އިންޓްރެސްޓް ރޭޓުގައި ހައުސިން ލޯނު ދޫކުރުކަމީ ރައީސް ޑރ މުހައްމަދު މުއިއްޒުގެ ރިޔާސީ ވައުދުފުޅެކެވެ.