އެންމެ ބޮޑަށް އަޅުވެތިވެފައި ވަނީ ސަރުކާރާއި ކުންފުނިތަކުގެ މުވައްޒަފުން: މަލީހް
އެންމެ ބޮޑަށް އަޅުވެތިވެފައި ވަނީ ސަރުކާރާއި ސަރުކާާރު ކުންފުނިތަކުގެ މުވައްޒަފުން ކަމަށް ޕީއެންއެފްގެ ސެނެޓަރު މުހައްމަދު މަލީހު ޖަމާލު ވިދާޅުވެއްޖެއެވެ.
މިއަދު ފާހަގަކުރަމުންދާ މަަސައްކަތްތެރިންގެ ދުވަހާއި ގުޅިގެން އެކްސްގައި ކުރެެއްވި ޕޯސްޓެއްގައި މަލީހް ވިދާޅުވީ ވަޒީފަގެ ބިރަށް ގިނަ އަސާސީ ހައްޤުތައް މަސައްކަތްތެރިން ދޫކޮށްފައިވާ ކަމަށާއި ބިރަކާ ނުލާ ވަޒީފާ އަދާކުރެވޭނެ މާހައުލެއް ޤާއިމްވާންޖެހޭނެ ކަމަށެވެ.
"އެންމެ ބޮޑަށް އަޅުވެތިވެފަ ވަނީ ސަރުކާރާއި ސަރުކާާރު ކުންފުނިތަކުގެ މުވައްޒަފުން. ވަޒީފަގެ ބިރަށް ގިނަ އަސާސީ ހައްޤުތައް މަސައްކަތްތެރިން ވަނީ ކޮމްޕްރޮމައިޒްކޮށްފަ. ބިރަކާ ނުލާ ވަޒީފާ އަދާކުރެވޭނެ މާހައުލެއް ޤާއިމްވާންޖެހޭ" މަލީހް ވިދާޅުވިއެވެ.
މަލީހް މިފަދައިން ވިދާޅުވެފައިވާއިރު ބައިނަލްއަޤްވާމީ މަސައްކަތްތެރީންގެ ދުވަހުގެ މުނާސަބަތުގައި ރައީސް ދެއްވި ހިތާބުގައި ވަނީ ދިވެހިރާއްޖޭގެ ތަރައްޤީއަށާއި އެކި ދާއިރާތަކުން ޤައުމަށް ލިބެމުންދާ ކުރިއެރުމުގެ އެންމެ ބޮޑެތި ޙިއްޞާދާރުންނަކީ، މަސައްކަތްތެރީން ކަމަށާއި ސަރުކާރުން އެންމެ ބޮޑު އިސްކަމެއް ދެމުން ދަނީ، ދައުލަތަށް އާމްދަނީ ލިބެމުންދާ މިންވަރަކުން މަސައްކަތްތެރި އަމިއްލަ ކުންފުނިތަކަށާއި ފަރުދުންނަށް ދައްކަން އޮތް ބޮޑު ދަރަނި އަދާކުރަމުން ދިޔުމަށް ކަމަށް ވިދާޅުވެފައެވެ.
ޖަމީލުއާި މަލީހުއާއި ދެމީހުން ކެއްކި ބޮނޑބަތްގަނޑު ކާނެބަޔަކު ނުވީމަ ސަރުކާރަށް ހުރިހާ އެއޗެއް ގޮވަނީ