ސްޕޯޓްސް މިނިސްްޓްރީގެ ޑެޕިއުޓީ ޝިފާޒް ސަސްޕެންޑްކޮށްފި
ސްޕޯޓްސް މިނިސްޓްރީގެ ޑެޕިއުޓީ މިނިސްޓަރު ހުސައިން ޝިފާޒު ސަސްޕެންޑުކޮށްފި އެވެ.
Ads by STELCO
ޝިފާޒް ސަސްޕެންޑް ކޮށްފައިވާކަން އެ މިނިސްޓްރީގެ މިޑީއާ އޮފިޝަލް ވަނީ ''ދެން'' އަށް ޔަގީންކޮށްދީފަ އެވެ.
ޝިފާޒް ސަސްޕެންޑްކޮށްފައިވަނީ ސިޔާސީ ގޮތުން މަގާމުތަކަށް އައްޔަންކުރެވޭ ބޭފުޅުން އަމަލުކުރަން ޖެހޭ މިންގަނޑާ ހިލާފުވެގެން ރައީސް އޮފީހުން އަންގައިގެންނެވެ.
އެއީ ސީދާ ކޮން މައްސަަލައެއްކަން އެނގިފައި ނުވިނަމަވެސް މައުލޫމާތު ލިބޭ ގޮތުން ޝިފާޒް ސަސްޕެންޑް ކޮށްފައިވަނީ މުއްދަތެއް ނެތް ގޮތަށެވެ.
ޝިފާޒް ސަސްޕެންޑް ކޮށްފައިވާއިރު، ސަރުކާރުގެ ތިން ނައިބަކު މިހާރުވެސް ސަސްޕެންޝަނުގައި އެބަތިއްބެވެ. އެއީ ޔޫތު މިނިސްޓްރީގެ ޑެޕިއުޓީ މިނިސްޓަރު މަރިޔަމް ޝިއުނާ އަދި މަލްޝާ ޝަރީފްގެ އިތުރުން މަހުޒޫމް މާޖިދު އެވެ.
Ads by STO
