96،000 ދަރިވަރުންނާއެކު ދިރާސީ އާ އަހަރު ފަށައިފި
ބޮޑު ބަންދަކަށް ފަހު ދިރާސީ އާ އަހަރުގެ ކިޔެވުން މިއަދު ފަށައިފިއެވެ.
އެޑިއުކޭޝަން މިނިސްޓްރީން ބުނީ މިއަހަރުގެ ކިޔެވުން ފެށޭއިރު, 40،300 އަންހެން ދަރިވަރުންނާއި 42،700 ފިރިހެން ދަރިވަރުން ހިމެނޭހެން 96,000 ދަރިވަރުން ކިޔެވުން ފަށާނެ ކަމަށެވެ.
އޭގެ ތެރޭގައި ހިމެނޭ 26,000 އެއްހާ ދަރިވަރުންނަކީ މާލޭ ސަރަހައްދުގެ ސްކޫލުތަކުގައި ކިޔަވާ ދަރިވަރުން ކަމަށް އެޑިއުކޭޝަން މިނިސްޓްރީން ބުނެއެވެ.
މި ދަރިވަރުންގެ ތެރޭގައި ހިމެނެނީ ސަރުކާރު ސުކޫލުތަކުގައި ކިޔަވާ 83،000 އެއްހާ ދަރިވަރުން ކިޔަވަމުން އަންނައިރު 13،000 އަށް ވުރެ ގިނަ ދަރިވަރުން ކިޔަވަނީ ޕްރައިވެޓް ސުކޫލުތަކުގަ އެވެ.
ޖުމްލަ 217 ސްކޫލުގައި ކިޔަވައިދެމުން އަންނައިރު 162 ސްކޫލެއްގައި އެއް ދަންފަޅިއަށް ކިޔަވައިދޭނެއެވެ. 55 ސުކޫލެއްގައި ކިޔަވައިދިނުމަށް ހަމަޖެހިފައިވަނީ ދެ ދަންފަޅިއަށެވެ.
ދިރާސީ އާ އަހަރުގެ ކިޔެވުން ފެށިއިރު ވިއްސާރަ މޫސުމުގެ ސަބަބުން ފުރަތަމަ ތިން ދުވަހުގެ ކިޔެވުން ކުރުކޮށް ގެންދިއުމަށް ވަނީ ނިންމައިފައެވެ. އެގޮތުން ދަރިވަރުންގެ ސުކޫލު ގަޑި ތިން ގަޑިއިރަށް ފައްތަން އެޑިއުކޭޝަން މިނިސްޓްރީން ވަނީ އަންގައިފައެވެ.
