އިންޑިއާއާއި ލަންކާގެ ގުޅުން އިތުރަށް ވަރުގަދަ ވާން ޖެހޭ
އަވަށްޓެރި އިންޑިއާއާ ސްރީލަންކާގެ ސިނާއީ ތަރައްގީގެ ބޮޑު ފައިދާ ހޯދަން އަވަށްޓެރި އިންޑިއާއާ ގުޅެން ޖެހޭ ކަމަށް ސްރީލަންކާގެ ރައީސް ރަނިލް ވިކްރަމަސިންހަ ވިދާޅުވެއްޖެ އެވެ.
"އަޅުގަނޑުމެންގެ އަވަށްޓެރި އިންޑިއާ މިދަނީ ސިނާއީ ބޮޑެތި ތަރައްގީގެ މަރުހަލާއެއްގެ ތެރެއިން. ޓެމިލް ނާޑޫ، ތެލަންގަނާ އަދި އަންދްރަ ޕްރަދޭޝް އިން ދަނީ އެކަން ތަޖުރިބާ ކުރަމުންނެވެ. އަޅުގަނޑުމެން ވެސް ބައިވެރިވާން ޖެހޭ،" އިންޑަސްޓްރީ 2024 ގެ އިވެންޓުގައި ވިކްރަމަސިންހަ ދެއްވި ތަގުރީރުގައި ވިދާޅުވި އެވެ.
ރައީސް ވިދާޅުވީ، އިންޑިއާގެ ބޮޑުވަޒީރު ނަރެންދުރަ މޯދީ އިންޑިއާއަށް ކުރައްވަމުން ގެންދަވާ ދަތުރުފުޅުގައި އެމަނިކުފާނާއި ބައްދަލުކުރެއްވި ގޮތުގެ ފޮލޯއަޕްއާ ބެހޭ ގޮތުން ބުރާސްފަތި ދުވަހު ރާއްޖެ ވަޑައިގަތުމަށް ހަމަޖެހިފައިވާ އެކްސްޓާނަލް އެފެއާޒް މިނިސްޓަރު ޑރ.އެސް ޖައިޝަންކަރާ މަޝްވަރާ ކުރައްވާނެ ކަމަށް އުއްމީދު ކުރައްވާ ކަމަށެވެ.
"ސޯލާ އަދި ވިންޑް ޕަވާ ބޭނުންކުރުމާއި ލިކުއިޑް ހައިޑްރޯޖަން ހޯދުމަކީ އިންޑިއާއާ ގުޅިގެން މަސައްކަތް ކުރާނެ ކަމަށް އުއްމީދުކުރާ ދާއިރާތައް،" ސްރީލަންކާގެ އަދާނީ ޕްރޮޖެކްޓްތަކުގެ ސަބަބުން އެ މަސައްކަތްތައް ކުރިއަރާފައިވާ ކަމަށް ފިނޭންސް މިނިސްޓަރުކަން ވެސް ކުރައްވާ ވިކްރަމަސިންހަ ވިދާޅުވި އެވެ.
2022 ވަނަ އަހަރުގެ ދެވަނަ ކުއާޓަރުގައި ސްރީލަންކާއިން ވަނީ އެރަށް ފުރަތަމަ ފަހަރަށް ސޮވެރިން ޑިފޯލްޓްވެފައިވާކަން އިއުލާނުކޮށްފައެވެ.
ބެއިލްއައުޓް ހޯދުމަށް އިންޓަނޭޝަނަލް މަނިޓަރީ ފަންޑާއެކު މަޝްވަރާތައް ގާތްގަނޑަކަށް ވަގުތުން ފަށާފައިވާއިރު، 2.9 ބިލިއަން ޑޮލަރުގެ ފެސިލިޓީގެ ފުރަތަމަ ބައި ނެރުނީ 2023 ވަނަ އަހަރުގެ މާޗް މަހުގެ ތެރޭގައެވެ.
ނަގުދު ފައިސާގެ ދަތިކަން ކުރިމަތިވެފައިވާ އެ ގައުމުން ވަނީ އިގްތިސާދީ ގޮތުން ކުރިމަތިވެފައިވާ ދަތިތަކަށް ހައްލެއް ގެނައުމަށް ހަރުކަށި އިސްލާހުތަކެއް ތައާރަފްކޮށްފަ އެވެ.
Ads by STO
