ޑެލިވަރީ ބަދިގެއެއް ހިންގި 11 ބިދޭސީން ހައްޔަރުކޮށްފި

ހުޅުމާލޭގައި ޑެލިވަރީ ބަދިގެއެއް ހިންގި 11 ބިދޭސީން ހައްޔަރުކޮށްފި އެވެ.

Ads by Hajj Corporation

އިމިގްރޭޝަންގެ ރަސްމީ އެކައުންޓުން މިރޭ "އެކްސް" ގައި ކުރި ޕޯސްޓެއްގައި ބުނީ ބިދޭސީ ބަޔަކު ހުޅުމާލޭ ގަރާޖެއްގެ މަތީގައި ހިންގަމުންދާ ކާބޯތަކެތި ޑެލިވަރީ ކުރާ ތަނަކާއި ގުޅިގެން "އިމިގްރޭޝަން ވޮޗް" އަށް ލިބިފައިވާ މައުލޫމާތާއެކު  އެތަން ބަލައި ފާސްކޮށްފައިވާ ކަމަށެވެ.

އިމިގްރޭޝަނުން ބުނީ، ޓާސްކު ފޯހުން ދިޔައިރު ބިދޭސީން ދިޔައީ އެތަން ރޫޅާލާ ހުސްކުރުމުގެ މަސައްކަތް ކުރަމުން ކަމަށެވެ.

ނަމަވެސް، ގަވާއިދާ ހިލާފަށް ކާބޯތަކެތި ޑެލިވަރީ ކުރާ ތަނުގައި ތިބި ބިދޭސީ 8 މީހަކާއި ގަރާޖުން 3 މީހަކު ހައްޔަރުކޮށްފައިވާ ކަމަށް އިމިގްރޭޝަނުން ބުންޏެވެ.

އަދި އެތަނާ ގުޅޭގޮތުން ދާދި ފަހުން ސޯޝަލް މީޑިއާގައި އާއްމުން ކަންބޮޑުވުން ފާޅުކޮށްފައިވާ ކަމަށް އިމިގްރޭޝަނުން ބުންޏެވެ.