ވިނަރެސް ފްލެޓްތަކުގެ އެކްސެސް ކޮންޓްރޯލް ސިސްޓަމް ރަނގަޅުކޮށް ޓެގުތައް ދޫކުރަން ފަށައިފި
ވިނަރެސް ފްލެޓްގެ އެކްސެސް ކޮންޓްރޯލް ސިސްޓަމް މަރާމާތުކޮށް ނިމި، ފްލެޓްތަކުގައި ދިރިއުޅޭ ފަރާތްތަކަށް ޓެގު ދޫކުރުމުގެ މަސައްކަތް ފަށައިފި އެވެ.
އެ ފްލެޓްތައް ބަލަހައްޓަމުންދާ އެޗްޑީސީ ކުންފުނިން ބުނީ އެ ސިސްޓެމް މަރާމާތުކޮށް ނިމިފައިވާތީ، އަންނަ އާދީއްތަ ދުވަހުން ފެށިގެން އެ ސިސްޓަމް ބޭނުންކުރަން ފަށަން ހަމަޖެހިފައިވާ ކަމަށެވެ.
ފްލެޓްތަކުގެ އެކްސެސް ޓެގުތައް ދޫކުރުން ވިނަރެސް 10 ގެ މެނޭޖުމަންޓް އޮފީހުން ލިބެން ހުންނާނެ ކަން، ކުންފުނިން ނެރުނު އިއުލާނުގައި ފާހަގަކޮށްފައިވެ އެވެ. އާދީއްތަ ދުވަހުގެ ކުރިން ޓެގު ނެގުމަށް އެ ކުންފުނިން އެދެ އެވެ.
ވިނަރެސްގެ ކޮންޓްރޯލް އެކްސެސް ސިސްޓަމަކީ އިމާރާތުގައި ދިރިއުޅޭ މީހުންގެ ސަލާމަތާއި ރައްކާތެރިކަން ކަށަވަރުކުރުމަށް ޓަކައި ގާއިމުކޮށްފައިވާ ހިދުމަތެކެވެ.
އެ ތަކެއްޗަށް ގެއްލުންދީފިނަމަ ފިޔަވަޅު އަޅާނެ ކަމަށް އެޗްޑީސީން ބުންޏެވެ.
