އިންޑިއާ އައުޓް ކެމްޕެއިނުގައި ގޮވި އެއްޗެއްސަށް ސަރުކާރުން މާފަށް އެދެން އެމްޑީޕީން ގޮވާލައިފި
މިދިޔަ ރިޔާސީ ދައުރުގައި، މިހާރު ސަރުކާރު ހިންގާ ޕީއެންސީން ހިންގި "އިންޑިއާ އައުޓް" ކެމްޕެއިނުގައި ދެއްކި ވާހަކަތަކަށް ޕީއެންސީއާއި ސަރުކާރުން މާފަށް އެދެން ޖެހޭނެ ކަމަށް އެމްޑީޕީން ބުނެފި އެވެ.
އެމްޑީޕީން މިހެން ބުނީ އިންޑިއާގެ ފޮރިން މިނިސްޓަރު ޖައިޝަންކަރު ރާއްޖެއަށް ކުރައްވާ ރަސްމީ ދަތުރުފުޅުގައި އެމްޑީޕީގެ ލީޑާޝިޕްގެ ބޭފުޅުންނާ ބައްދަލުކުރެއްވުމަށް ފަހު އެ ޕާޓީން ނެރުނު ނޫސް ބަޔާނުގަ އެވެ.
"އިންޑިއާ އައުޓް ކެމްޕޭނުގެ ހެދި ދޮގުތަކާއި އޭގެ ސަބަބުން ލިބުނު ގެއްލުންތަކަށް، ރައްޔިތުންގެ ކިބައިން މަޢާފަށް އެދުމަށް ރައީސް މުޢިއްޒުގެ ސަރުކާރަށް އެމްޑީޕީން ގޮވާލަން،" އެމްޑީޕީގެ ބަޔާނުގައިވެ އެވެ.
ރައީސް މުއިއްޒުގެ ސަރުކާރުން ވެސް އިންޑިއާއާ ގުޅުން ރަނގަޅު ކުރަމުންދާ އިރު ހާރިޖީ ސިޔާސަތު އެ ގޮތުގައި ދާއިމީކޮށް ބޭއްވުމަށް ވެސް އެމްޑީޕީން ގޮވާލި އެވެ.
Ads by STO
