މާލީ ބަގާވާތުގެ ތުހުމަތު ކުރެވޭ މީހުން ހޯދައި ފިޔަވަޅު އެޅުމުގެ މަސައްކަތް ފަށައިފި
ސަރުކާރު ހިއްސާވާ ބޭންކް އޮފް މޯލްޑިވްސް (ބީއެމްއެލް) މެދުވެރިކޮށް އިދިކޮޅު ފަރާތްތަކުން ސަރުކާރުން ވައްޓާލަން އުޅުނު ކަމަށް ބުނާ މައްސަލާގައި ފިޔަވަޅު އަޅަންޖެހޭ ފަރާތްތައް ދެނެގަތުމުގެ މަސައްކަތް ފަށާފައިވާ ކަމަށް ފުލުސް އޮފީހުން މިއަދު ބުނެފި އެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ އެ މައްސަލައާ ގުޅިގެން ހޯދަންޖެހޭ އެންމެހައި މައުލޫމާތު އެއްކުރުމާއި، ބަލަންޖެހޭ އެންމެހައި ކަންކަން ތަފްސީލުކޮށް ދިރާސާކުރުމުގެ މަސައްކަތް ކުރަމުންދާ ކަމަށެވެ.
"މީގެ އިތުރުން، ފިޔަވަޅު އަޅަންޖެހޭ ފަރާތެއްވާނަމަ އެކަން ދެނެގަތުމާއެކު، ތަހްގީގު މަރުހަލާގައި ކުރަންޖެހޭ އެންމެހައި މަސައްކަތްތައް ވެސް ދަނީ ކުރަމުންނެވެ" ފުލުުހުންގެ މެސެޖުގައި ބުންޏެވެ.
ޑެބިޓް ކާޑުގެ ޕްރައިމަރީ އެކައުންޓަކީ ދިވެހި ރުފިޔާ އެކައުންޓެއްނަމަ ބޭރު ފައިސާގެ މުއާމަލާތް ކުރުމަށް އެއްވެސް އަދަދެއް ނުލިބޭ ގޮތަށް ބީއެމްއެލުން މިދިޔަ އާދިއްތަ ދުވަހު ނިންމާފައިވަނީ ސަރުކާރުގެ އެންގުމާ ހިލާފަށް ކަމަށް ވަޒީރުން ވިދާޅުވެފައިވެ އެވެ.
އެކަން ކޮށްފައިވަނީ ބީއެމްއެލް ބޯޑު މެންބަރުންނާ ގުޅިގެން އިދިކޮޅު އެމްޑީޕީން ކަމަށް ސަރުކާރުގެ އިސްވެރިން ދަނީ ތުހުމަތު ކުރައްވަމުންނެވެ.
މީހަކު ފޮޑިއެއް ޖެހިޔަސް މިދިޔަ ސަރުކާރު ބޮލަށް ކަނޑާލާ. މިއޮތީވާ ވެރިކަމެއް ލިބިފަ