ގައުމީ އަރުޝީފުގެ އެޑްވައިޒަރީ ބޯޑުގެ ރައީސް އަކަށް މޮންދު
ގައުމީ އަރުޝީފުގެ ރައީސަކަށް މުހައްމަދު އާސިފް (މޮންދު) އިންތިހާބު ކޮށްފިއެެވެ.
އެ ބޯޑުގެ ރައީސަކަށް މުހައްމަދު އާސިފް އިންތިހާބު ކޮށްފައިވާއިރު ބޯޑުގެ ނައިބު ރައީސް އަކަށް އިންތިހާބު ކޮށްފައި ވަނީ އަހުމަދު އާސިމެވެ. މީގެ އިތުރުން އެޑްވައިޒަރީ ބޯޑަށް މި ދެ ބޭފުޅުން ހިމެނޭހެން ޖުމުލަ 9 ބޭފުޅުން ވަނީ އައްޔަން ކުރައްވާފައެވެ.
މި ބޯޑު އެކުލަވާ ލައްވާފައި ވަނީ ގައުމީ އަރުޝީފުގެ ގާނޫނުގައިވާ ގޮތުގެ މަތީން ރައީސުލް ޖުމްހޫރިއްޔާ އިބްރާހިމް މުހައްމަދު ސާލިހެވެ.
ގައުމީ އަރުޝީފުގެ އެޑްވައިޒަރީ ބޯޑުގެ ރައީސް ކަމަށް އާސިފު އައްޔަން ކުރައްވާފައިވާއިރު އާސިފަކީ ހަބަރާއި މައުލޫމާތު ފެތުރުމުގެ ދާއިރާއިން އަދި މައުލޫމާތު ފެތުރުމާއި ހުށަހެޅުމުގެ ދާއިރާއިން ހުނަރުވެރިކަމުގެ ރޮނގުން ހިތްވަރުދިނުމުގެ ގައުމީ އިނާމުވެސް ހާސިލު ކުރައްވާފައިވާ ބޭފުޅެއް ކަން ފާހަގަ ކުރެވެއެވެ.
Ads by STO
