ޓްރިޕް ޑޮޓް ކޮމް މެދުވެރިކޮށް މޯލްޑިވިއަންގެ ފްލައިޓްތައް ބުކްކުރެވޭ ގޮތް ހަދައިފި

ދުނިޔޭގެ މަޝްހޫރު ޓްރެވަލް އެޖެންސީ ޓްރިޕް ޑޮޓް ކޮމް މެދުވެރިކޮށް ސީދާ މޯލްޑިވިއަންގެ ފްލައިޓްތައް ބުކްކުރެވޭ ގޮތް ހަދައިފި އެވެ.

މޯލްޑިވިއަން އިން ބުނީ އެ ގޮތަށް ފްލައިޓްތައް ބުކްުކުރެވޭ ގޮތް ހެދީ މިދިޔަ ބުރާސްފަތި ދުވަހުން ފެށިގެން ކަމަށެވެ.

މިއީ ދުނިޔޭގެ އެކި ކަންކޮޅުތަކުގައި ދަތުރުފަތުރުކުރާ މީހުންނަށް މޯލްޑިވިއަންއިން ދަތުރުކުރުމުގެ ފުރުސަތު ފަހިކޮށްދިނުމަށް އެޅުނު މުހިންމު ބިންގަލެއް ކަމަށް އެ ކުންފުނިން ބުންޏެވެ.

ޓްރިޕް ޑޮޓް ކޮމް ފަދަ ދަތުރުފަތުރު ކުރުމުގެ އެންމެ ވަރުގަދަ ކުންފުންޏާ ގުޅިގެން މަސައްކަތް ކުރުމުން ދަތުރުފަތުރުގެ ދުނިޔޭގައި މޯލްޑިވިއަންއަށް ފައިތިލަ ސާބިތުކުރުމުގެ އިތުރަށް، ފަސެންޖަރުންނަށް ފަސޭހަކަމާއެކު ރާއްޖެ "އެކްސްޕްލޯ" ކުުރަުން އިތުރު ފުރުސަތު ލިބިގެން ދާނެ ކަމަށް މޯލްޑިވިއަނުން ބުންޏެވެ.

މޯލްޑިވިއަން މިހާރު ދަނީ ޔޫރަޕްއަށް ވެސް ފްލައިޓްތައް ބާއްވަން މަސައްކަތް ކުރަމުންނެވެ. އަދި ވައިޑް ބޮޑީ އެއާ ކްރާފްޓްތައް ވެސް އެ އެއާލައިންގެ ފްލީޓަށް އިތުރުކުރަން މަސައްކަތް ކުރަމުންނެވެ.