ނުރައްކާކޮށް ހުރި ތަނެއްގައި ގަވައިދާ ހިލާފަށް އުޅޭ ފަސް ބިދޭސީން އަތުލައިގެންފި
ނުރައްކާކޮށް ހުރި ތަނަކުން ގަވައިދާ ހިލާފަށް އުޅޭ ބިދޭސީން އަތުލައިގެންފި އެވެ.
އިމިގްރޭޝަނުން މިއަދު އެކްސްގައި ބުނީ އެ އިދާރާގެ ޓާސްކު ފޯސް އަށް ލިބިފައިވާ މަޢުލޫމާތަކާއި ގުޅިގެން އާންމު ސަލާމަތާއި ރައްކާތެރިކަމަށް ނުރައްކާވާގޮތަށް ބިދޭސީން ދިރިއުޅެމުން ދިއަ ތަނެއް ރޭ ބަލައި ފާސްކުރި ކަމަށެވެ.
އެއީ މާލޭގެ ހެންވޭރަށް ނިސްބަތްވާ ގެއެއް ކަަމަށް ވެސް ފުލުހުން ބުނެއެވެ.
އެ ގޭގައި ދިރިއުޅެމުންދިއަ ބިދޭސީންގެ ތެރެއިން ގަވާއިދާ ހިލާފަށް އުޅެމުންދިއަ ފަސް ބިދޭސީއަކު އިމިގްރޭޝަން ބެލުމުގެ ދަށަށް ގެނެސްފައިވާ ކަމަށް އިމިގްރޭޝަނުން ބުނެއެވެ.
އާންމު ސަލާމަތާއި ރައްކާތެރިކަމަށް ނުރައްކާވާފަދަ ގޮތަކަށް ތޮއްޖެހިގެން ބިދޭސީން ދިރިއުޅެމުން އަންނަ އެކޮމޮޑޭޝަން ބްލޮކްތައް އިމިގްރޭޝަނުން މިހާރު ދަނީ ގަވައިދުން ރެއިޑްކޮށް ބިދޭސީން ބެލުމުގެ ދަށަށް ގެންނަމުން ނެވެ.
ގިނަ ފަހަރު ތޮއްޖެހިގެން އެފަދަ ތަންތަނުގައި ބިދޭސީން ދިިރިއުޅޭއިރު އަލިފާނުގެ ހާދިސާތައް ވެސް ހިނގާފައި ވެއެވެ.
ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ފަށާފައިވާ މަސައްކަތުގައި ނޮވެންބަރު 17 އިން ސެޕްޓެމްބަރު 15 ގެ ނިޔަލަށް 289 ތަނެއް ބަލާ ފާސްކޮށް 4,026 ބިދޭސީއަކު ފުރުވާލާފައިވެ އެވެ.
ގޭގެ ނަން ޖަހާލިނަމަ
ބިދޭސީންް އެކަނިތަަ އަތުލައިި ގަންނަންް އެނގެނީީ؟ ކޮބާާ ތަންް ކުއްޔައްް ދިންް، ތަނުގެެ ވެރިމީހާާ؟