ރައީސް މުއިއްޒު އަވަހާރަކޮށްލަން އިންޒާރު ދިން މައްސަލައެއް ބަލަނީ
ރައީސް ޑރ. މުހައްމަދު މުއިއްޒު އަވަހާރަކޮށްލަން މީހަކު އިންޒާރު ދިން މައްސަލައެއް ފުލުހުން ބަލަން ފަށައިފި އެވެ.
ފޭސްބުކުގައި ކޮމެންޓެއް ކުރަމުން ރައީސް އަވަހާރަކުރާނެ ކަމުގެ އިންޒާރު ދިނީ "އަބްލޯ މްޔަދު ޔޮސެފް" ނަމުގައިވާ އެކައުންޓުންނެވެ.
ފުލުހުންގެ ތަރުޖަމާނު އަހުމަދު ޝިފާން ވިދާޅުވީ އެ މައްސަލަ ފުލުހުންގެ ސަމާލު ކަމަށް އައިސްފައިވާ ކަމަށާއި ސީރިއަސް މައްސަލައެއް ގޮތުގައި ބަލަމުންދާ ކަމަށެވެ.
ރާއްޖޭގައި ވެސް ރައީސުންނަށް ހަމަލާ ދިނުމުގެ މާޒީއެއް އެބަ އޮތެވެ.
ކުރީގެ ރައީސް މައުމޫން އަބްދުއްގައްޔޫމަށް 2002 ވަނަ އަހަރު ހއ. ހޯރަފުއްޓަށް ވަޑައިގެން ބަނދަރުގައި ހުންނަވަނިކޮށް ވަޅިން ހަމަލާއެއް އަމާޒުވި އެވެ. އެ ފަހަރު އެމަނިކުފާނު ސަލާމަތްވީ، އެމަނިކުފާނު އަރިހުގައި ތިބި ސްކައުޓް ދަރިވަރުން ވެސް އެމަނިކުފާނު ދިފާއުކޮށް ދިނިތީ އެވެ.
ކުރީގެ ރައީސް އަބްދުﷲ ޔާމީނަށް ވެސް އެމަނިކުފާނު ވެރިކަމުގައި ހައްޖުގެ ދަތުރުފުޅަކަށް ފަހު، އަނބިކަނބަލުންނާ އެކު މާލެ ވަޑައިގެންނެވި ދުވަހު ލޯންޗުގައި އެއްޗެއް ގޮއްވާލާފައިވެ އެވެ.
ކުރީގެ ރައީސް މުހައްމަދު ނަޝީދު، މަޖިލީހުގެ ރައީސަކަށް ހުންނަވަނިކޮށް 2021 ވަނަ އަހަރު މެއި މަހު ހައެއްގައި ދިން ބޮމުގެ ހަމަލާގައި ސަލާމަތްވީ ކިރިޔާ އެވެ.
ޜާޢީސް މައުމޫން އަށް ހަމަޅާ ދިން ކަމާް ބުނާ މީހާގެ ދުވަސް ދުއްވާލީ ކޮންބައެއްތޯ ސްވާލު ކޮށްބަލަ އެމީހާ މިހާރު ހުރީ ދުނިޔެއިން މޮޔަކޮށްފަ.އޭހާވަރަށް ޖަލުން އެމީހާ އަށް އަނިޔާކުތި ކަމަށް އެމީހާގެ ފެމެލިން އެބަބުނޭއީހަޤީގަތަކީ….