ކުޑަ ފިރިހެން ކުއްޖަކަށް ޖިންސީގޯނާ ކުރި ބިދޭސީއަކު ހައްޔަރުކޮށްފި
ދެކުނުގެ ރަށެއްގައި 8 އަހަރުގެ ކުޑަ ފިރިހެން ކުއްޖަކަށް ޖިންސީގޯނާ ކުރި މައްސަލާގައި ބިދޭސީ ފިރިހެނަކު ހައްޔަރުކޮށްފި އެވެ.
މީޑިއާތަކަށް ފުލުހުން މިއަދު ފޮނުވި މެސެޖެއްގައި ބުނީ އެ މައްސަލާގައި 26 އަހަރުގެ ބިދޭސީ މީހާ ކޯޓު އަމުރެއްގެ ދަށުން ހައްޔަރުކޮށްފައިވަނީ އިއްޔެ ކަމަށެވެ.
ފުލުހުން ބުނީ އެ މައްސަލަ ފުލުހުންނަށް ހުށަހަޅާފައިވަނީ މިދިޔަ އަންގާރަ ދުވަހުގައި ކަމަށްވެސް ފުލުހުން ބުންޏެވެ.
ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.
ކުޑަކުދިންނާ ގުޅޭ މައްސަލަތަކަކީ ސީރިއަސް މައްސަލަ ތަކަކަށް ވާތީ ކުއްޖާގެ އައިޑެންޓިޓީ ރައްކާތެރިކުރުމުގެ ގޮތުން ފުލުހުން ކުއްޖާގެ އަތޮޅާއި ރަށް ހާމަ ނުކުރެ އެވެ.
މިދިޔަ ބުރާސްފަތި ދުވަހުގައި ސްކޫލު ޓީޗަރަކު، ސްކޫލް ފިރިހެން ދަރިވަރުންގެ އުމުރާ ނުގުޅޭ ވާހަކަ ދައްކާ, ގްރޫމް ކުރި ކަމަށް ތުހުމަތު ކުރެވޭ މައްސަލައެއް ފެންމަތިވެފައި ވެއެވެ.
