ސީ ޓު އެއާ ކާގޯއިން ތިން މިލިއަން ޑޮލަރަށް ވުރެ ގިނަ ފައިސާ ލިބިއްޖެ

ސީ-ޓު-އެއާ ކާގޯގެ ހިދުމަތުން އެތަކެއް މިލިއަން ރުފިޔާ ލިބިފައިވާ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް)އިން ބުނެފި އެވެ.

Ads by STELCO

މި އަހަރުގެ މާޗު މަހު މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ތައާރަފުކުރި ސީ ޓު އެއާ ކާގޯގެ ހިދުމަތަކީ ކަނޑު މަގުން މުދާ ގެނެސް ވައިގެ މަގުން މުދާ އެއްތަނުން އަނެއް ތަނަށް ފޯރުކޮށްދިނުމުގެ ހިދުމަތެކެވެ.

އެ ހިދުމަތާ ބޮޑެތި އެެއާލައިންތަކުން ވެސް ގުޅިފައިވާ އިރު އެމްޕީއެލްގެ ސީއީއޯ މުހައްމަދު ވަޖީހު މިއަދު ފޭސްބުކުގައި ވިދާޅުވީ އެ ހިދުމަތް ވަރަށް ބާރަށް ފުޅާ ވަމުންދާ ކަމަށެވެ.

ސީއީއޯ ވިދާޅުވީ މިއަހަރުގެ މެއި މަހު އަމަލީ ގޮތުން އެ މަސައްކަތް ފެށިފަހުން މިހާތަނަށް 3 މިލިޔަނަށްވުރެ ގިނަ އެމެރިކާ ޑޮލަރ ވަނީ ރާއްޖޭގެ އިގުތިސާދުގެ ތެރެ އަށް ވަދެފައިވާ ކަމަށެވެ.

އެހެން ކަމުން މިއީ ރާއްޖޭގެ އިގުތިސާދަށް ބޮޑު މަންފަޢަ އެއް ކުރާނެ ސިނާޢަތެއްގެ ގޮތުގައި އެ ސިނާއަތު ތަރައްގީވަމުންދާ ކަމަށެވެ.

"ހިސާބުތައް ދައްކާގޮތުން މިހާތަނަށްކަޑުމަގުން ރާއްޖެ އައި 210 ކޮންޓެއިނަރ އިން 1008000 )ދިހަ މިލިޔަން އަށްހާސް ) ކިލޯގެ މުދާ ވަނީ ދުނިޔޭގެ އެކި ގައުމު ތަކަށް ވައިގެ މަގުން ފޮނުވިފައެވެ. މުދާ ފޮނުވޭ ގައުމު ތަކުގެ ތެރޭ، އެމެރިކާ، ކެނެޑާ، އިގިރޭސި ވިލާތް އަދި ޔޫރަޕުގެ ގައުމު ތައް ހިމެނެއެވެ" އޭނާ ވިދާޅުވި އެވެ.

ސީ ޓު އެއާ ކާގޯގެ ހިދުމަތާ ނުވަ އެއާލައިންއަކުން ގުޅިފައިވާ އިރު އޭގެ ތެރޭގައި ގަތަރު އެއާވޭސް އާއި އެމިރޭޓްސް އާއި އިއްތިހާާދާއި ގަލްފް އެއާ އާއި ނިއޯސް އެއާލައިނުގެ އިތުރުން އޭރޯފްލޮޓް ހިމެނެ އެވެ.