އޮފީހަކުން ވައްކަން ކުރި މީހަކު ތަކެއްޗާ އެކު ހައްޔަރުކޮށްފި
މާލޭ ސިޓީގެ ހެންވޭރުގައި ހުރި އޮފީހަކުން ވައްކަން ކުރި މީހަކު، ވަގަށް ނެގި ތަކެއްޗާ އެކު ހައްޔަރުކޮށްފި އެވެ.
މީޑިއާތަަކަށް މިއަދު ފޮނުވި މެސެޖެއްގައި ފުލުހުން ބުނީ ހ. ފިލިމާގެ ގްރައުންޑް ފްލޯގައި ހުންނަ އޮފީހަކުން ވައްކަންކޮށްފައިވާ މައްސަލަ އެ އިދާރާއަށް ރިޕޯޓުކޮށްފައި ވަނީ އިއްޔެގެ ހެނދުނުގެ ވަގުތެއްގައި ކަމަށެވެ.
ވައްކަމުގެ އެ މައްސަލަ އާ ގުޅިގެން އިއްޔެ މީހަކު ހައްޔަރުކޮށް، އޭނާގެ ވަނަވަރު ފުލުހުން ވަނީ އާންމުކޮށްފަ އެވެ. މައްސަލަ އާ ގުޅިގެން ހައްޔަރުކުރީ ރ. އަލިފުށި، ހަބީބީހެޕް، އިސްމާއިލް ސާއިފް (39އ) އެވެ.
"އަދި އޭނާ އެ އޮފީހުން ވަގަށް ނެގި ކަމަށް ބެލެވޭ 2 ލެޕްޓޮޕް، 2 އައިފޯން، އިއާޕޮޑް އަދި އަތުކުރި ގަޑި ހޯދައި ވެރިފަރާތާ ވަނީ ހަވާލުކޮށްފައި،"
ފުލުހުން ބުނި ގޮތުގައި މައްސަލަ އާ ގުޅިގެން އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަަހަށް ބަންދު ކުރުމަށް އަމުރުކޮށްފައިވާ ކަމުގަ އެވެ.
ވައްކަމުގެ އެ މައްސަލަ ފުލުހުން ގެންދަނީ ތަހުގީގު ކުރަމުންނެވެ.
Ads by STO
