ޝަހީމްގެ ގުރްއާން ޗެލެންޖްގައި މުފްތީ މެންކް ވެސް ބައިވެެރިވެއްޖެ
ކުރީގެ އިސްލާމިކް މިނިސްޓަރ އަދި މަޝްހޫރު ދީނީ އިލްމުވެރިޔާ ޑރ. މުހައްމަދު ޝަހީމް އަލީ ސައީދު ފެއްޓެވި ޤުރުއާން ކިޔެވުމުގެ ޗެލެންޖުގައި ދުނިޔޭގެ މަޝްހޫރު އިލްމްވެރިޔާ މުފްތީ މެންކް ވެސް ބައިވެރިވެ ވަޑައިގެންފިއެވެ.
ދީނީ އިލްމުވެރިޔާ ޝަހީމް އޭނާގެ ފޭސްބުކް ޕޭޖްގައި ހިއްސާ ކުރެއްވި މުފްތީ މެންކްގެ ވީޑިއޯއަކުން ފެނިގެންދަނީ ޝަހީމްގެ ގްރުއާން ޗެލެންޖް ގަބޫލްކޮށް މަޝްހޫރު ދީނީ އިލްމުވެރިޔާ މުފްތީ މެންކް ގުރުއާން ކިޔަވައި، އެޗެލެންޖްގައި ޤުރުއާން ކިޔަވާ މަންޒަރެވެ. ޑރ ޝަހީމް ވަނީ މިވީޑިއޯ ހިއްސާކުރެއްވިކަމަށް ޓަކައި މެންކް އަށް ޝުކުރު އަދާކުރައްވާފައެވެ.
ޝަހީމް ކުރެއްވި ޓްވީޓެއްގައި ވަނީ މުޅި ގުރްއާން ކިޔަވައި ނިންމުމުގެ ޗެލެންޖް ފުރިހަމަ ކުރުމަށް އާންމުންނަށް ގޮވާލާފައެވެ.
"އިސްލާމީ އުންމަތަށް ހިތާމަވެރި ވަގުތަކަށްވާތީ ﷲ އަށް ކުއްތަންވުމުގެ ގޮތުން އެންމެން ވެގެން ޚަތިމްކުރުން ފެށުނީއެވެ. މީގައި ބޮޑެތި މީހުންނާއި ކުޑަކުދިންނަށްބައިވެރިވެވޭނެއެވެ. ޓުވިޓަރ، އެފްބީ، އިންސްޓްގްރާމް މެދުވެރިކޮށް ކުރިއަށްގެންދެވޭނެ. އަޅުގަނޑު ފަށައިފިން." ޝަހީމް ވިދާޅުވިއެވެ.
ޑރ ޝަހީމް ފެއްޓެވި ޤުރުއާން ޗެލެންޖްއަށް ދަނީ ވަރަށް ބޮޑު ތަރުހީބެއް ލިބެމުންނެވެ. އަދި މިހާރުވެސް އެ ޗެލެންޖް ޤަބޫލުކޮށް، ގިނަ ބަޔަކު ދަނީ ސޯޝަލް މީޑިއާގައި ޤުރުއާން ކިޔަވާ ވީޑިއޯތައް ޕޯސްޓް ކުރަމުންނެވެ.
