އަގު ވައްޓާލަން މަސައްކަތް ކުރަނީ ފައްޔާޒެއް ނޫން ، އެކަމާ އުޅޭނީ އަކްރަމް: ރައީސް ނަޝީދު
ރައީސް މުޙައްމަދު ނަޝީދުގެ އަގު ވައްޓާލަން އިކޮނޮމިކް މިނިސްޓަރ ފައްޔާޒު އިސްމާއީލް މިލިއަނުން ޚަރަދު ކުރެއްވި ކަމުގެ ތުހުމަތުތަކެއް އެބަހުރި ކަމަށް ރާއްޖެ އެމްވީއިން ގެނެސްދިން ޚަބަރަކާއި ގުޅިގެން ރައީސް ނަޝީދު ޚިޔާލު ފާޅު ކުރައްވައިފިއެވެ.
ރަށްވެހި ފަތިސް ލަންކާގެ ނަމުގައި ، އެމްޑީޕީގެ އިސްވެރިން ވެސް ތިއްބަވާ ވަޓްސްއެޕް ގްރޫޕެއްގައި އެ ޚަބަރުގެ ސްކްރީންޝޮޓެއް ލައްވާ ، ރައީސް ނަޝީދު ވިދާޅުވީ އެކަމާ އުޅުއްވާނީ އަކްރަމް ކަމާލުއްދީން ކަމަށެވެ.
"ފަޔާއެއް ނޫން ތިކަމާ އުޅޭނީ ، ތިކަމާ އުޅޭނީ އަކްރަމް" ރައީސް ނަޝީދު ލިޔުއްވާފައިވެއެވެ.
ރާއްޖެއެމްވީން ގެނެސްދިން ޚަބަރުގައި ވަނީ ރައީސް ނަޝީދުގެ އަގު ވައްޓާލުމަށް ޝުއައިބު އަލީ އަށް 30 މިލިއަން ރުފިޔާ ދީފައިވާ ކަމަށާއި އަދި އެމްޑީޕީ މެމްބަރުންގެ ކާޓޫން ހެދުމަށް ހަވާލުކޮށްފައިވާ ކަމަށެވެ.
އިކޮނޮމިކް މިނިސްޓަރ ފައްޔާޒު އިސްމާއީލަށް "ބުރޯ ހެދިގެން ނޫޅެވޭނެ" ކަމަށް ވިދާޅުވެ ރައީސް ނަޝީދު ގެންދަވަނީ ފައްޔާޒުގެ އިތުބާރު ނެތްކަމުގެ ވޯޓެއް ނެގުމުގެ މަސައްކަތް ކުރައްވަމުންނެވެ. އެމަނިކުފާނު ވިދާޅުވެފައި ވަނީ ފަހަތަށް ޖެހި ވަޑައިގަންނަވަން ޖެހުނު ޙާލަތްތަކުގައި އެމަނިކުފާނު ވެސް ވާނީ ފަހަތަށް ޖެހިވަޑައިގެންފައި ކަމަށާއި އެމްޑީޕީއަށް ނިސްބަތްވާ މިނިސްޓަރަކާ ދެކޮޅު ހެއްދެވުމަކީ އެމަނިކުފާނަށް ވެސް ފަސޭހަފުޅު ކަމެއް ނޫން ކަމަށެވެ.
ދެންވެސް އަތްޕުޅު ޖައްސަވަން ދަންނަވަން.
ފަހަތަށް ޖެހުނީ ކުރިޔަށް ޖެހެން އެއްވެސް ފުރުސަތެއްނެތި މަޖުބޫރުން. ތިއީ ފަހަތަށް ޖެހޭ މީހެއްނަމަ އެމްޑީޕީ ރައީސްކަމަށް އަރާ ކޮންމެ މީހަކު ބޭރުކޮށް ނުލީސް.