ގުރްއާނަށް ލޯބި ޖެއްސުމަށް އަލީ ރަމީޒުގެ ހާއްސަ ޕްރޮގްރާމެއް ކުޑަކުދިންނަށް!
ކުޑަކުދިންގެ ހިތްތަކުގައި ކީރިތި ޤުރުއާނަށް ލޯބި ޖެއްސުމަށް ކުޑަކުދިންގެ ހާއްސަ ޕްރޮގްރާމެއް ފަށަން ނިންމާފައިވާ ކަމަށް އަލީ ރަމީޒް ވިދާޅުވެއްޖެއެވެ.
"ކްލެވަރ ކިޑްސް" ގެ ނަމުގައި ފަށާ މި ޕްރޮގްރާމަކީ ޑަކުދިންގެ ހިތްތަކުގައި ކީރިތި ޤުރުއާނަށް ލޯބި ޖެއްސުމަށާއި އެކުދިންނަށް ހިތްވަރު ދިނުމުގެ މަޤްސަދުގައި އަލީ ރަމީޒުގެ ޔޫޓިއުބް ޗެނަލްއިން މެދުވެރިކޮށް ފަށާ ޕްރޮގްރާމެއްކަމަށް އޭނާ މީސް މީޑާގައި ކުރެއްވި ޕޯސްޓެއްގައި ވިދާޅުވެފައިވެއެވެ.
"ދި އިސްލާމް" އަށް މައުލޫމާތު ދެއްވަމުން އަލީ ރަމީޒު ވިދާޅުވީ މި ޕްރޮގްރާމް ދެ މަސް ދުވަސް ވަންދެން ކުރިއަށް ގެންދަން ނިންމާފައިވާ ކަމަށާއި މިޕްރޮގްރާމްގައި ބައިވެރިވެވޭނީ 10 އަހަރުން ދަށް އުމުރުފުރާގެ ކުދިންނަށް ކަމަށެވެ.
I am starting a new program called 'Klever Kidz' on my YouTube Channel. This program will feature kids reciting the Quran and reading authentic duas.
For more information please click the Community Tab on my YouTube channel;https://t.co/irL0TvAGgY pic.twitter.com/JjcI8t591S
— Ali Rameez (@aliramyz) March 31, 2020
އަދި މިޕްރޮގްރާމްގައި ކުދިން ބައިވެރި ކުރަން ބޭނުންވާ ފަރާތްތަކުން ތުއްތު ކުދިންގެ ޤުރުއާން ކިޔެވުމާއި އަދި ދުޢާ ކިޔުން ލޭންޑްސްކޭޕް ކޮށް ވީޑިއޯ ރިކޯޑް ހެއްދެވުމަށް ފަހު އޭނާގެ ޓެލެގްރާމް އެކައުންޓަށް ފޮނުއްވައި ދެއްވުން އެދޭ ކަމަށް އަލީ ރަމީޒް ވިދާޅުވިއެވެ. އަދި ރިކޯޑިން 1މިނެޓަށް ވުރެ ދިގު ނުކުރެއްވުމަށް އެދިފައިވެއެވެ.
އަދި މިކަމަށް ތުއްތު ކުދިންގެ މައިންބަފައިންގެ އެއްބާރުލުމާއި ތަރުޙީބު ލިބޭނެކަމަށް އުއްމީދު ކުރަށްވާކަމަށް އަލީ ރަމީޒް ވިދާޅުވިއެވެ.
Ads by STO
