މޯދީވެސް ވިދާޅުވީ ރާއްޖެއާ ގުޅުން އިތުރަށް ބަދަހިކުރަން ހުންނެވީ ތައްޔާރަށް ކަމަށް
ރާއްޖެއާ ގުޅުން އިތުރަށް ބަދަހިކުރަން ހުންނެވީ ތައްޔާރަށް ކަމަށް އިންޑިއާގެ ބޮޑުވަޒީރު ނަރެންދުރަ މޯދީ މިއަދު ވިދާޅުވެއްޖެ އެވެ.
އިންޑިއާގެ 76 ވަނަ ޖުމްހޫރީ ދުވަހާ ގުޅިގެން ރައީސް ޑރ. މުހައްމަދު މުއިއްޒު ވަނީ 'އެކްސް' ގައި މޯދީއަށް ތަހުނިޔާ ވިދާޅުވެ ޕޯސްޓެއް ކުރައްވާފަ އެވެ.
އެ ޕޯސްޓުގައި ރައީސް ވިދާޅުވީ އިންޑިއާ އާއެކު އޮތް ގުޅުން ގުޅުން އިތުރަށް ބަދަހިކޮށް، ދެ ގައުމަށް ފައިދާވާ ދާއިރާތަކުން އެކުގައި މަސައްކަތް ކުރައްވަން ތައްޔާރަށް ހުންނެވި ކަމަށެވެ.
ރައީސް މުއިއްޒުގެ ޕޯސްޓަށް ރިޕްލައި ދެއްވައި މޯދީ އެކްސްގައި ވިދާޅުވީ ރާއްޖެއާ އޮތް ޒަމާންވީ ގުޅުމާމެދު އެމަނިކުފާނުވެސް ދެކިވަޑައިގަންނަވަނީ ހަމަ އެފަދައިން ކަމަށެވެ.
އަދި ރާއްޖެއާއެކު ރަހުމަތްތެރިކަމުގެ ގުޅުން އިތުރަށް ބަދަހިކޮށް އެކި ކަންކަމުގައި އެއްބާރުލުން ދިނުން އިތުރުކުރަން ވެސް އޮތީ ތައްޔާރަށް ކަމަށް މޯދީ ވިދާޅުވި އެވެ.
މި ވެރިކަމުގެ ކުރީކޮޅު އިންޑިއާއާ ގުޅުން ގޯސްވި ނަމަވެސް މިހާރު ގުޅުން ވަނީ ބަދަހިވެފަ އެވެ.
އަދި ރައީސް މުއިއްޒު ވަނީ މިދިޔަ އޮކްޓޫބަރު މަހުގެ ކުރީކޮޅު އިންޑިއާގެ ރައީސްގެ ދައުވަތަކަށް އެ ގައުމަށް ދަތުރުފުޅެއް ވެސް ކުރައްވާފަ އެވެ.
އެ ދަތުރުފުޅުގެ ތެރެއިން ދެ ގައުމުގެ ދެމެދު އެއްބަސްވުންތަކާއި ފަހުމުނާމާތަކުގައި ސޮއިކޮށް، ނޯޓް ވާބަލް ބަދަލުކޮށް އަދި ބައެއް މަޝްރޫއުތައް އިފުތިތާހުކޮށްފައިވެ އެވެ.
ރާއްޖެ އާއި އިންޑިއާ އާ ދެމެދު ހާރިޖީ ގުޅުން ގާއިމުކުރިތާ 60 އަހަރު ފުރޭ މުނާސަބަތަށް މި އަހަރު ރާއްޖެއަށް ފުރަމާނަ ދަތުރުފުޅެއް ކުރެއްވުމަށް، ރައީސް ވަނީ މޯދީއަށްވެސް ދައުވަތު ވެސް އަރުވާފަ އެވެ.
Ads by STO
