ތިން މަހުން 30 ނަސީބުވެރިންނަށް އުރީދޫއިން ސައިކަލު ދީފި
ކޮންމެ ތިން ދުވަހަކުން ސައިކަލެއް ލިބޭ ގޮތަށް އުރީދޫއިން ކުރިއަށް ދިޔަ ޕްރޮގްރާމްގެ ދަށުން ނަސީބުވެރިންނަށް ސައިކަލު ދީފި އެވެ.
އެ ކެމްޕޭން އުރީދޫއިން ކުރިއަށް ގެންދިޔައީ މިދިޔަ ސެޕްޓެމްބަރު 23 އިން ޑިސެމްބަރު މަހުގެ 31 ވަނަ ދުވަހާ ހަމައަށެވެ. އަދި އެ ކެމްޕޭން ނިންމައި 30 ނަސީބުވެރިން ހޮވައި އެއިން ކޮންމެ މީހަކަށް ވަނީ ސައިކަލު ދީފަ އެވެ.
އެ ޕްރޮމޯޝަންގެ ދަށުން ޕީސީއެކްސް 160ފަދަ ސައިކަލުތައް ދިން އިރު ޕްރޮމޯޝަންގެ ގްރޭންޑް ޕްރައިޒްގެ ގޮތުގައި ދިނީ ރެބެލް 300 (2024) ސައިކަލެވެ.
މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގައި އެންމެ ވަރުގަދަ އަދި އެންމެ ބޮޑު 5ޖީ ނެޓްވޯކް ތައާރަފް ކުރުމުގެ މުނާސަބަތުގައި އެ ކުންފުނީގެ ކަސްޓަމަރުންގެ އިތުބާރާއި އެއްބާރުލުން ފާހަގަކޮށް، ކަސްޓަމަރުންގެ އަގުވަޒަން ކުރުމުގެ ގޮތުން ކުރިއަށް ގެންދިޔަ ޕްރޮމޯޝަނެކެވެ.
Ads by STO
