ފުޅާ ދާއިރާއެއްގައި ހަށި ވިއްކި މީހަކާ އޭނާގެ އެޖެންޓު އަތުލައިގެންފި

ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރީ ކުރަމުން ދިޔަ ބިދޭސީ އަންހެނަކާއި އޭނާގެ އެޖެންޓު މޯލްޑިވްސް އިމިގްރޭޝަންގެ ބެލުމުގެ ދަށަށް މިއަދު ގެންގޮސްފި އެވެ.

Ads by MPL

އިމިގްރޭޝަނުން "އެކްސް" ގައި ކުރި ޕޯސްޓެއްގައި ބުނީ، އެ ދެ މީހުން ހައްޔަރުކުރީ ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީން ހޯދުމަށްޓަކައި ފުލުހުންނާ ގުޅިގެން ހިންގި އޮޕަރޭޝަނެއްގައި ކަމަށެވެ.

ހައްޔަރުކުރި ދެ މީހުންނަކީ:

1. އިންޑިއާ، ގީތާ ކުމަރަސާމީ (39އ)
2. ނޭޕާލް، ޗަތްރާ ބަހަދުރް ވާޖީ (52އ)

އެ މައްސަލަ ތަހުގީގުކުރުމަށްފަހު، ބިދޭސީ އަންހެން ޑީޕޯޓްކޮށްފައިވާއިރު އޭނާގެ އެޖެންޓެއްގެ ގޮތުގައި މަސައްކަތްކުރި ޗަތްރާ ޑިޕޯޓުކުރުމުގެ މަސައްކަތް މިހާރު ކުރަމުންދާ ކަމަށް އިމިގްރޭޝަނުން ބުންޏެވެ.

މީގެ ކުރިންވެސް އިމިގްރޭޝަނުން ކުރި ރެއިޑްތަކުގައި ހަށިވިއްކުމުގެ ވިޔަފާރީގައި އުޅޭ ގިނަ އަދަދެއްގެ ބަޔަކު ހައްޔަރުކޮށް ޑީޕޯޓްކޮށްލާފައިވެ އެވެ.