ޖަމާއަތުގައި ނަމާދު ކުރުން މެދުކަނޑާލާފައިވާ މުއްދަތު މި މަހުގެ 11އަށް އިތުރުކޮށްފި

މާލެ ސަރަހައްދުގެ މިސްކިތްތަކާއި ރިސޯޓުތަކުގައި، ޖަމާޢަތުގައި ނަމާދު އަދި ހުކުރު ކުރުން މެދުކަނޑާލާފައިވާ މުއްދަތު އަނެއްކާވެސް އިތުރުކޮށްފި އެވެ.

Ads by STELCO

އިސްލާމިކް މިނިސްޓްރީން ބުނީ އެ މުއްދަތު އޭޕްރިލް މަހުގެ 11 ވަނަ ދުވަހުގެ އަސްރު ނަމާދާއި ހަމަޔަށް އިތުރުކޮށްފައިވާ ކަމަށެވެ. ޖަމާއަތުގައި ނަމާދު އަދި ހުކުރުނަމާދު ކުރުން މާލެ، ވިލިމާލެ އަދި ހުޅުމާލެއާއި ރިސޯޓުތަކުގައި މެދުކަނޑާލީ މިދިޔަ މަހުގެ18 ވަނަ ދުވަހު އެވެ.

އިސްލާމިކް މިނިސްޓްރީން ބުނީ މުއްދަތު އިތުރު ކުރަން ނިންމީ ހާލަތައް ރިއާޔަތް ކޮށް ކަމަށެވެ.

މިސްކިތްތަކުގައި ޖަމާއަތުގައި ނަމާދު އަދި ހުކުރު ނަމާދު ނުކުރި ނަމަވެސް ފަރުޟު ފަސް ނަމާދަށް ބަންގި ގޮވާނެ ކަމަށެވެ. އަދި މިސްކިތްތައް ހުންނާނީ ހުޅުވާފައި ކަމަށާއި ގަވައިދުން މިސްކިތްތައް ސާފުކޮށް ބެލެހެއްޓުމުގެ މަސައްކަތް ކުރާނެ އެވެ.