ޚަބަރު

ބިދޭސީ ޓީޗަރަކު ދިވެހި ކުއްޖެއްގެ އިނގިލި ބިންދާލައިފި

މުޙައްމަދު ޝިޔާމް ، ދެން އޮންލައިން
ފޮޓޯ: ކަނޑޫދޫ ފޭސްބުކް ޕޭޖް

ތ. ކަނޑޫދޫގައި ބިދޭސީ ޓީޗަރަކު ދިވެހި ކުއްޖެއްގެ އިނގިލި ބިންދާލައި އަނިޔާކުރި މައްސަލައެއް ރިޕޯޓްކޮށްފި އެވެ.

Ads by MPL

ފުލުހުން ބުނި ގޮތުގައި މި މައްސަލަ ރިޕޯޓްކުރީ މިއަދު ހެނދުނު 10:55 ހާއިރެވެ.

ފުލުހުން ބުނި ގޮތުގައި ބިދޭސީ ޓީޗަރު ވަނީ ދަރިވަރުގެ އިނގިލި ހިފައި އަނބުރާލައި ހުޅުން ނައްޓާލައިފަ އެވެ. އެ ކުއްޖާއަށް އެ އަތޮޅު ވޭމަންޑޫ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުންޏެވެ.

ފުލުހުން ބުނީ މި މައްސަލާގައި އަދި މީހަކު ހައްޔަރުނުކުރާ ކަމަށެވެ. މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.

މި މައްސަލާގައި ތުހުމަތުވާ ބިދޭސީ ޓީޗަރަކީ އިންޑިއާ ފިރިހެނެކެވެ. އޭނާ އަނިޔާކުރި ކަމަށް ބުނަނީ 11 އަހަރުގެ ފިރިހެން ކުއްޖަކަށެވެ.

Ads by Allied Insurance

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!