އަންހެނަކަށް ޖިންސީ ފުރައްސާރަ ކޮށްގެން ހުށަހެޅީމަ ރޮޒެއިނާމެން ތިބީ ހަނު: ޝުޖާއު
އަންހެނުންގެ ޙައްޤުތަކާއި ބެހޭގޮތުން ވާހަކަ ދައްކާއިރު އަންހެނަކަށް ޖިންސީ ފުރައްސާރަ ކޮށްގެން ހުށަހެޅީމަ އެމްޕީ ރޮޒައިނާމެން ތިބީ ހަނު ކަމަށް ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެ އެވެ.
އިންޑިއާ-ރާއްޖެ ކާގޯ ފެރީ އައުމާއި ގުޅިގެން "މިއަދު ރާއްޖެއައީ ބޮޑު އާގުބޯޓެއް ކަމަށާއި މާދަން ދިވެހި ކަނބަލުން ކައިރިއަށް އަންނާނީ މަތިމަސްލީ މީހުންކަމަށް" ޝުޖާއު އިއްޔެ ވިދާޅުވުމާއި ގުޅިގެން އެއަށް ރައްދުދެއްވާ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެންބަރު ރޮޒައިނާ އާދަމް ކުރެއްވި ޓްވީޓެއްގައި ވިދާޅުވީ ދިވެހި އަންހެނުންނަށް ނިސްބަތްކޮށް މިފަދަ އެއްޗެހި ވިދާޅުވުމަކީ ވަރަށް ދެރަ ކަމެއްކަމަށެވެ. އައި ސިޔާސީ ރައްދު ދޭއިރު އަންހެނުންނަށް އަމާޒު ކުރައްވަނީ ކޮން ބޭނުމަކުތޯ ވެސް ރޮޒެއިނާ ސުވާލު ކުރައްވާފައިވެއެވެ.
ރޮޒެއިނާ ގެ އެޓްވީޓަށް ރައްދު ދެއްވަމުން ޝުޖާއު ވިދާޅުވީ ސަރުކާރަށް ވަރަށް އަސަރު ކޮށްފި ކަމަށާއި "އަންހެނުންގެ ވާހަކަ ދައްކާފަ ވެރިކަން ލިބުނީމަ އެންމެން ބައި ބަހައިގެން މުޅި ދައުލަތް ތި ހުސްކޮށްލީ" ކަމަށެވެ.
