އެންމެ ހަމަހުގެ ކުއްޖެއް ވޭކްބޯޑު ކުރަނީ!
ތުއްތު ކުދިންގެ އެކިއެކި ހުނަރުގެ ވީޑިއޯތައް އާންމުކޮށް ފެންނަމުން ދެއެވެ. ނަމަވެސް މި ފަހަރު މިއީ ތަފާތު ކުއްޖެކެވެ، މި ކުއްޖާ ވޯޓަރ ބޯޑް ކުރުމަށް ގެންގޮސްފައި ވަނީ ހަމަސް ފުރުމުގެ އުފަލުގައި އެކަން ފާހަގަ ކުރުމަށެވެ. ހަ މަހަކީ އާންމުކޮށް ކުދީން ހިނގާ އަދި ވާހަކަ ދައްކާ ނޫޅޭ އުމުރެއް ކަމަށްވުމާއެކު މި ވީޑިއޯ އިން ފެންނަ ކުއްޖާގެ ހަރަކާތްތައް ވެގެން ގޮސްފައި ވަނީ ހައިރާން ކުރުވަނިވި ހަރަކާތަކަށެވެ.
މިއީ އެމެރިކާގެ އުޓާ ސްޓޭޓްގެ ލޭކެއްގައި ނަގާފައިވާ ވީޑިއޯ އެކެވެ. ވީޑިއޯގެ ތައާރަފްގައި ބުނެފައި ވަނީ "އަހަންނަށް ހަމަސް ފުރުނު ދުވަހު ވޯޓަރ ސްކީއަށް އަހަރެން ދިޔައިމެވެ"
ވީޑިއޯއިން ފެންނަ ގޮތުގައި ތުއްތު ކުއްޖާގެ ފައި ހުންނަނީ ރައްކާތެރިކަމާއެކު ހަރުލައްވާފައެވެ. ނަމަވެސް ބޯޑްގައި ކުއްޖާ އަތުން ރީއްޗަށް ހިފަހައްޓާލައިން ހުންނަ ތަން ފެނެއެވެ. ގާތުގައި ބައްޕަ ދިޔައީ ކުއްޖާއަށް ހިތްވަރުދީ ކުއްޖާ ހިތްހަމަ ޖައްސައިދެމުންނެވެ
މީސްމީޑިއާގައި ވައިރަލް ވެފައިވާ މި ވީޑިއޯއާ ގުޅިގެން ބައެއް މީހުން ވަނީ ތުއްތު ކުއްޖަކު އެގޮތަށް ވޭކްބޯޑިން ކުރުމަށް ގެންދިޔުމަކީ ރައްކާތެރިކަމެއް ނޫން ކަމަށް ބުނެފައެވެ. ނަމަވެސް ގިނަ ބަޔަކު ވަނީ ރައްކާތެރިކަމުގެ ފިޔަވަޅުތައް އަޅާފައިވުމާއެކު އެކަމަށް ހިތްވަރުދީ ކުއްޖާއަށް ސާބަސް ދީފައެވެ.
