ރައީސް ޗައިނާގެ ރައީސާ ބައްދަލުކޮށްފި
އީސް ޑރ. މުހައްމަދު މުއިއްޒު ޗައިނާ އަށް މިހާރު ކުރައްވަމުން ގެންދަވާ ދަތުރުގެ ތެރެއިން އެ ގައުމުގެ ރައީސް ޝީ ޖިންޕިންގްއާ ބައްދަލު ކުރައްވައިފި އެވެ.
މި ބައްދަލުވުމުގެ ވާހަކަތައް ރައީސް މިއަދު ސޯޝަލް މީޑިއާގައި ވެސް ހިއްސާ ކުރައްވާފައިވެ އެވެެ.
އެ ޕޯސްޓްގައި އެ މަނިކުފާނު ވިދާޅުވީ، ޝީއާއެކު ބޭއްވެވި ބައްދަލުވުމުގައި، ޗައިނާއިން ރާއްޖޭގައި ހިންގާ ޕްރޮޖެކްޓުތައް އަވަސްކޮށް، އިތުރު ދާއިރާތަކުން ގުޅުން ބަދަހި ކުރަން މަޝްވަރާ ކުރެއްވިން ކަމަށާއި ދެ ގައުމުގެ ޑިވެލޮޕްމަންޓު ޕާޓްނާޝިޕް ބިނާވެފައި އޮތީ ހެޔޮ ނިޔަތަކާއި އެތައް ބިންގަލެއްގެ މައްޗަށް ކަމަށެވެ.
"މި ގޮތުގައި ދެ ގައުމުގެ ގުޅުން އިތުރަށް ކުރިއަށް ގެންދަން ބައްދަލުވުމުގައި އަޒުމް އާކުރެވުނު." ރައީސް ވިދާޅުވި އެވެ.
އެ މަނިކުފާމި ވިދާޅުވީ، ރާއްޖެ/ޗައިނާ ކޮމްރެހެންސިވް ސްޓްރެޓެޖިކް ކޯޕަރޭޝަން ޕާޓްނާޝިޕްގެ ދަށުން ދެ ގައުމުގެ ގުޅުން އިތުރަށް ބަދަހިވާނެކަމުގެ ޔަގީންކަން ވެސް އޮތް ކަމަށެވެ.
ރައީސް މިހާރު ޗައިނާ އަށް ކުރައްވަމުން ގެންދަވާ މި ދަތުރަކީ ޝަންހާއީ ކޯޕަރޭޝަން އޯގަނައިޒޭޝަން (އެސްއީއޯ) ސަމިޓުގައި ބައިވެރިވެވަޑައިގަތުމަށް ކުރައްވާ ދަތުރެކެވެ.
ރައީސްގެ މި ދަތުރުގައި އެހެން ގައުމުތަކުގެ ލީޑަރުންނާ ވެސް ބައްދަލު ކުރައްވާ ގޮތަށް ހަމަޖެހިފައިވެ އެވެ.
އެސްސީއޯ އަކީ ޔޫރޭޝިޔާ ސަރަހައްދުގެ ސިޔާސީ، އިގްތިސާދީ އަދި ދިފާއީ ކަންކަމަށް އަމާޒުކޮށްގެން، އެ ސަރަޙައްދުގެ ހަ ގައުމަކުން އެކުލަވާލާފައިވާ ސަރަހައްދީ ޖަމިއްޔާއެކެވެ. އެ ޖަމިއްއްޔާ އުފެއްދީ، ޗައިނާ، ރަޝިޔާ، ކަޒަކްސްތާން، ކިރްގިސްތާން، ތަޖިކިސްތާން އަދި އުޒްބެކިސްތާން ގުޅިގެންނެވެ.
Ads by STO
