ޚަބަރު

ފުވައްމުލަކުން މަސް ގަންނަން މިފްކޯ އިން ފަށައިފި

ޢާއިޝަތު އަރީނާ ، ދެން އޮންލައިން

މިފްކޯ އިން، ފުވައްމުލަކުން މަސް ގަންނަން ފަށައިފިއެވެ.

Ads by MPL

މިފްކޯ އިން ރޭ ބުނީ މި މަހު އެ ކުންފުނީގެ ސީއީއޯ ފަރުހަތު ޝަހީރު ފުވައްމުލަކު ސިޓީ ކައުންސިލާ ބައްދަލު ކުރައްވައި އެ ސިޓީން މަސް ގަންނާނެ ކަމަށް ވައުދުވެވަޑައިގެންނެވި ގޮތަށް މިފްކޯގެ ބޯޓެއް މިދިޔަ ބުރާސްފަތި ދުވަހު ފުވައްމުލަކަށް ބަނދަރުކުރި ކަމަށެވެ.

އަދި އެ ސިޓީން އިއްޔެ މަސްގަންނަން ފަށާފައިވާ ކަމަށް މިފްކޯ އިން ބުންޏެވެ.

މިފްކޯ އިން ފުވައްމުލަކުގައި ހަދަން ފަށާފައިވާ މަސް ޕްރޮސެސް ކުރާ މަރުކަޒުގެ މަސައްކަތް ނިންމައި މި އަހަރު ތެރޭގައި ޚިދުމަތް ދޭން ފަށަން ވެސް އޮތީ އަމާޒު ހިފައިފަ އެވެ. އެއާ އެކު ޕްރޮސެސް ކޮށްފައި ހުންނަ މަސް ފުވައްމުލަކު ސިޓީގެ ރައްޔިތުންނަށް ފަސޭހައިން ގަންނަން ލިބޭނެ އިންތިޒާމު ހަމަޖެހޭނެ ކަމަށް މިފްކޯ އިން ބުނެފައި ވެ އެވެ.

މިފްކޯ އިން ފުވައްމުލަކުން މަސް ގަންނަން ފެށި އިރު، އައްޑޫން ގަންނަ މަސް ހުވަދުއަށް ނުގެންގޮސް ސީދާ އައްޑޫން ބޭރުކުރުމުގެ މަސައްކަތް ކުރިއަށް އޮތް މަހެއްހާ ދުވަސްތެރޭ ފަށަން ވެސް ނިންމާފައިވ އެވެ. އަދި އައްޑޫގައި މަހަށް ވެލިއު އެޑްކުރުމުގެ މަސައްކަތްތައް މި އަހަރުގެ ތެރޭ ފެށުމަށް މަސައްކަތްކުރަމުން އަންނަ ކަމަށް މިފްކޯ އިން ބުންޏެވެ.

އައްޑު އަކީ މިފްކޯގެ ފިޝަރީޒް ކޮމްޕްލެކްސްއެއް ވެސް ހިންގަމުން އަންނަ ތަނެކެވެ.

Ads by Allied Insurance