ކައުންސިލްތަކަށް މުވައްޒަފުން ނެގުމުގެ ހުއްދަ އަލުން ދީފި
ކައުންސިލް އިދާރާތަކުގައި ހުސްކޮށްހުރި އިދާރީ މަގާމުތަކާއި އެނޫންވެސް މަގާމުތަކަށް މުވައްޒަފުން ނެގުން މަޑުޖައްސާލަން އަންގާފައި އޮތުމަށްފަހު އަނެއްކާ ވެސް އަލުން އެ ހުއްދަ ސިވިލް ސާރވިސް ކޮމިޝަނުން ދީފިއެވެ.
ކައުންސިލްތަކުގެ އޮނިގަނޑުގައި ހުރި މަގާމުތަކަށް މުވައްޒަފުން ނެގުމާއި އައު މަގާމުތައް އުފެއްދުން މެދުކަނޑާލުމަށް މިދިޔަ ފެބްރުވަރީ މަހުގެ 06 ވަނަ ދުވަހު ކައުންސިލްތަކަށް ސިވިލް ސާރވިސް ކޮމިޝަނުން ވަނީ އަންގާފައެވެ.
މިއަދު އެ ކޮމިޝަނަން ކައުންސިލް އިދާރާތަކަށް ފޮނުވި ސިޓީގައި މުވައްޒަފުން ނެގުމާއި އައު މަގާމު އުފެއްދުން މެދުކަނޑާލަން އެންގި އެންގުން ނިމުމަކަށް ގެންނަން ނިންމާފައިވާކަމަށް ބުނެފައިވެއެވެ.
ލޯކަލް ގަވަރމަންޓް އޮތޯރިޓީ އަދި ފިނޭންސް މިނިސްޓްރީ އިން ހޯދަން ޖެހޭ ހުއްދަތައް ހޯދުމަށް ފަހު ކައުންސިލް އިދާރާތަކުގެ ހުސް މަގާމުތަކަށް މީހުން ނެގުމުގެ މަސައްކަތް މިހާރު ކުރިއެކޭ އެއްގޮތަށް ކުރިއަށް ގެންދެވޭނެކަމަށް ސިވިލް ސާވިސް ކޮމިޝަނުން ކައުންސިލްތަކަށް ވަނީ އަންގާފައެވެ.
Ads by STO
