ލޮކްޑައުންގައި ކެޓްރީނާ ކައްކަނީ، ބިސްގަނޑެއް ކަމެއް ޕެންކޭކެއް ކަމެއް ވަކި ކުރާކަށް ނޭނގޭ!
މިހާރު ހަލުވިކަމާއިއެކު ފެތުރެމުން އަންނަ ކޯވިޑް 19 ވައިރަހުގެ ސަބަބުން އިންޑިއާ ވަނީ 21 ދުވަހުގެ ލޮކްޑައުން އަކަށް ގޮސްފައެވެ. އެގޮތުން ލޮކްޑައުން އިއުލާން ކޮށްފައިވާ މި ދުވަސްތަކުގައި، ބޮލީވުޑްގެ ކުޅަދާނަ ބަތަލާ ކެޓްރީނާ ކައިފްގެ އިންސްޓަގްރާމް އެކައުންޓުން ފެންނަނީ ވަރަަށް ހިންގާލާފައި އުޅެމުންދާ މަންޒަރެވެ.
ކެޓްރީނާ މިވަނީ އިއްޔެ އޭނާގެ ދައްތައާއިއެކު ކެއްކުމުގައި އަވަދިނެތި އުޅެފައެވެ. އެހެންނަމަވެސް ކައްކާ ނިންމުމަށްފަހު، އޭގެ ފޮޓޯ ހިއްސާ ކުރުމުން ކެޓްރީނާގެ ސަޕޯޓަރުން ތިބީ އެއީ ބިސްގަނޑެއް ކަމެއް ޕެންކޭކެއް ކަމެއް ވަކި ކުރަން ނޭނގިފައެވެ.
ކެޓްރީނާ އެ ފޮޓޯ ހިއްސާ ކުރުމުން ބައެއް މީހުން ވަނީ އެއީ ޗީޒް ސޮޑާއެއް ތޯ އަހާފައެވެ. އަނެއް ބައި މީހުން ތިބީ އެއީ ބިސްގަނޑެއް ކަމެއް ނުވަތަ ޕެންކޭކެއް ކަމެއް ނޭނގިފައެވެ.
ކެޓްރީނާ ވަނީ ލޮކްޑައުން ގައި ހުރެގެން ގޭތެރެ ކުނިކަހާ ތަށިތެލި ދޮވެ ވަރަށް ގިނަ މަސައްކަތް ކޮށް އެކަންކަން އޭނާގެ ފޭނުންނާއި ހިއްސާކޮށްފައެވެ.
