ޑައިރެކްޓަރު އަމްޖޭގެ ހާލު ދެރެވެގެން ފަރުވާ ދެނީ

ދިވެހި ކުޅަދާނަ ފިލްމު ޑައިރެކްޓަރު އަމްޖަދު އިބްރާހިމް (އަމްޖޭ)ގެ ހާލު ދެރެވެގެން ހޮސްޕިޓަލުގައި ފަރުވާ ދޭން ފަށައިފިއެވެ.

Ads by Allied

"ދެން"އަށް އެނގިފައިވާ ގޮތުން އަމްޖޭ އަށް ފަރުވާ ދެމުންދަނީ ޓްރީޓޮޕް ހޮސްޕިޓަލުގައި ހިތުގެ ބަލިތަކަށް ހާއްސަ ފަރުވާދޭ ޔުނިޓް ނުވަތަ (ސީސީޔޫ)ގައެވެ.

އޭނާ ބަލިވެ އުޅޭތާ ދުވަސްތަކެއް ވެފައިވާކަން ވެސް ވަނީ އެނގިފައެެވެ.

އަމްޖޭ ބަލިވެ އުޅޭތީ އޭނާއަށް ހެޔޮ އެދޭ ފަރާތްތަކުންނާއި ފިލްމީ ތަރިން ދަނީ އަވަސް ޝިފާއަކަށް އެދެމުންނެވެ.

ނުވަދިހައިގެ އަހަރުތަކުން ފެށިގެން ފިލްމު ޑައިރެކްޓްކުރަމުންދާ އަމްޖަދު 2024ވަނަ އަހަރުވެސް ފިލްމެއް ޑައިރެކްޓްކޮށްފައި ވެއެވެ.

އޭނާ ޑައިރެކްޓްކުރި މަޝްހޫރު ފިލްމުތަކުގެ ތެރޭގައި ހިނިތުން، މަޖުބޫރު ލޯބި އަދި ގުރުބާނީ ފަދަ ފިލްމުތައް ހިމެނެއެވެ.