ނޭހާ ކައްކަރް ކައިވެނި ކުރަނީތަ؟
ލަވަ ކިޔުންތެރިޔާ ނޭހާ ކައްކަރު މި މަހު ފަހުކޮޅުގައި ކައިވެނި ކުރަން އުޅޭ ކަމަށް ރިޕޯޓުތައް ބުނެފިއެވެ.
އުމުރުން ނޭހާ ކައިވެނި ކުރަން އުޅޭ ކަމަށް އަޑުފެތުރިފައި ވަނީ އޭނާ ދާދި ފަހުން ނެރުނު ވީޑީއޯ ލަވައެއްގައި މަސައްކަތް ކުރި ޕަންޖާބީ ފަންނާނު ރޯހަން ޕްރީތު ސިންގް އާއެވެ.
އެގޮތުން ރިޕޯޓުތައް ބުނާ ގޮތުގައި ނޭހާ އާއި ރޯހަންޕްރީތު ވަނީ މި ލަވައިން އެމީހުން ކައިވެނި ކުރަން އުޅޭ ކަމަށް "ހިންޓެއް" ދީފައެވެ. ލަވައިގެ އެތަންކޮޅުގައި ކިޔަނީ ލޮކްޑައުންގައި ކައިވެނި ކުރަން ހިނގާށޭ، އޭރުން ހަރަދު ކުޑަވެސް ވާނެ ކަމަށެވެ. ގިނަ ފޭނުން ގަބޫލުކުރާ ގޮތުގައި މިއީ ނޭހާ ފޭނުންނަށް ކައިވެނި ކުރަން އުޅޭ ކަމަށް ކުރި އިޝާރާތެކެވެ.
އިންޑިއާގެ ގިނަ ނޫސްތަކުން ރިޕޯޓުކޮށްފައިވާ ގޮތުގައި ނޭހާ އާއި ރޯހަންޕްރީތު ކައިވެނި ކުރުމަށް ހަމަޖެހިފައި ވަނީ މަހުގެ ފަހުކޮޅު ނުވަތަ އަންނަ މަހުގެ ކުރީ ކޮޅުގައެވެ.
ނޭހާ ކައިވެނި ކުރަން އުޅޭ ކަމަށް މި އަހަރުގެ ކުރީކޮޅު ވެސް ވަނީ އަޑު ފެތުރިފައެވެ. އޭރު ނިހާ ކައިވެނި ކުރާނެ ކަމަށް ވާހަކަ ފެތުރިފައި ވަނީ "އިންޑިއަން އައިޑޮލް" ސީޒަން 11 ގެ ހޯސްޓް އަދިތިޔާ ނާރަޔަން އާއެވެ. ނަމަވެސް ނޭހާ ވަނީ އެއީ އިންޑިއަލް އައިޑޮލް ގެ ތެރެއިން ސަމާސާއަކަށް ދެކެވުނު ވާހަކައެއް ކަމަށް އެއްބަސްވެފައެވެ.
Ads by STO
