އައިޖީއެމްއެޗުން މާބަނޑު މީހުންނަށް ހާއްސަ ޕްލޭނެއް
މާލެއިން ކޮވިޑް-19 އަށް ފައްސިވި މީހަކު ފެނުމާ ގުޅިގެން ސަރުކާރުގެ މައި ހޮސްޕިޓަލް، އައިޖީއެމްއެޗްގެ ބައެއް ހިދުމަތްތައް މިއަދާއި ހޮނިހިރު ދުވަހު މެދުކަނޑާލި ނަމަވެސް މާބަނޑު އަންހެނުންނަށް ފަރުވާ ދިނުމަށް ހާއްސަ ޕްލޭންއަކާ އެކު ތައްޔާރަށް އޮތް ކަމަށް އެ ހޮސްޕިޓަލުން ބުނެފި އެވެ.
އައިޖީއެމްއެޗުން ބުނެފައިވާ ގޮތުގައި އެ ދެ ދުވަހު ޕެޝަލިސްޓް އޯޕީޑީއާއި އެހެނިހެން ކްލިނިކްތައް މި ދެ ދުވަހު ބަންދުވާނެ ކަމަށެވެ.
އެހެންނަމަވެސް މި ހާލަތުގައި މާބަނޑު އަންހެނުންގެ ފަރުވާގެ ކަންކަން ކުރިއަށް ގެންދަން ހާއްސަ ޕްލޭނެއް އެކުލަވާލައި އެ ޕްލޭނާ އެއްގޮތަށް އަމަލުކުރަން ފަށާފައިވާ ކަމަށް އައިޖީއެމްއެޗްގެ އަންހެނުންގެ ހާއްސަ ޑޮކްޓަރު ޑރ. އަސީލް ޖަލީލް ވަނީ ވިދާޅުވެފައެވެ.
އޭނާ ވިދާލުވީ މާބަނޑު އަންހެނުން ހޮސްޕިޓަލަށް ވެއްދުމުގައި ވެސް ފަސޭހަ އިންތިޒާމްތަކެއް ހަމަޖައްސަމުން އަންނަ ކަމަށެވެ. ޑރ. އަސީލް ވިދާޅުވީ އޭޕްރީލް އަދި ޖޫން މަހު އައިޖީއެމްއެޗްހައި ވިހަން ނަން ނޯޓު ކޮށްފައި ތިބި މީހުންގެ މައުލޫމާތު މިހާރު ހޯދާފައިވާ ކަމަށެވެ.
މީގެ އިތުރުން، އެޕޮއިންޓްމަންޓް ހައްދާފައި ތިބި މާބަނޑު އަންހެނުންނަށް ފޯނުން ގުޅައިގެން އެޕޮއިންޓްމަންޓް ކުރިއަށް ގެންދަން ވެސް އައިޖީއެމްއެޗް އިން ވަނީ ނިންމައިފަ އެވެ.
މާލެއިން މިހާތަނަށް ކޮވިޑް-19 އަށް ތިން މީހަކު ފައްސިވެފައިވާއިރު އިއްޔެގެ ހަވީރުން ފެށިގެން 24 ގަޑިއިރަށް މާލެ ވަނީ ލޮކްޑައުން ކޮށްފައެވެ.
Ads by STO
