މާލެއިން އިހަވަންދޫއަށް ދާ މީހުން ގޭގައި މަޑުކޮށް ދޭން އެދިއްޖެ

މި މަހުގެ އެކަކުން ފެށިގެން މާލެއިން ހއ. އިވަންދޫއަށް ގޮސްފައިވާ މީހުން ގޭގައި މަޑުކޮށް ދިނުމަށް އެރަށު ކައުންސިލުން އެދިއްޖެއެވެ.

Ads by Hajj Corporation

އިހަވަންދޫ ކައުންސިލުން ބުނީ މި ފިޔަވަޅަކީ، އިއްޔެ މާލެއިން ކޯވިޑްގެ އައު ކޭސްތަކެއް ފެނުމުން އަޅާފައިވާ ރައްކާތެރި ކަމުގެ ފިޔަވަޅެކެވެ.

އެ ކައުންސިލުން ކުރާ މަސައްކަތްތަކުގެ ތެރެއިން އެރަށުގައި އެރަށުގައި ޤަވާޢިދާ ޚިލާފަށް އުޅޭ ބިދޭސީން ރަޖިސްޓަރީވުމަށް ދެވަނަ ފުރުޞަތެއް ދީ، އެ ފުރުޞަތުގައި މިމަހު16 ގެ ކުރިން ރަޖިސްޓަރީ ނުވެއްޖެނަމަ އެފަދަ މީހުން ރަށުން ފޮނުވާލަން ކުރަން ޖެހޭ މަސައްކަތް ކުރާނެ ކަމަށްވެސް އިހަވަންދޫ ކައުންސިލުން ވަނީ ބުނެފައިއެވެ.

އިހަވަންދޫ ކައުންސިލުން ވަނީ ކޯވިޑް-19 އާއި ގުޅިގެން ގިނަ މަސައްކަތްތަކެއް ކޮށްފައިއެވެ. އޭގެ ތެރޭގައި ރަށުގެ މަގުތައް ސާފު ތާހިރު ކަންމަތީ ބޭއްވުމަށް އެރަށުގެ މަގުތަކާއި، ބަނދަރު ސަރަޙައްދަށް ފެންޖެހުމުގެ މަސައްކަތް ކުރުމާއި، އިހަވަންދޫއަށް އަރާ ފައިބާ މީހުން މޮނިޓަރ ކުރުމުގެ މަސައްކަތް ކުރިއަށް ގެންދިޔުމާއި، މީހުން އެއްވުމުގެ ފުރުޞަތު ހަނި ކުރުމަށްޓަކައި، މިހަރަކާތުގެ ތެރެއިން ރަށުގެ އެކި ސަރަޙައްދުތަކުގައި ހުރި ޖޯލި ފަތިތައް ނެގުމުގެ މަސައްކަތް ކުރުން ހިމެނެއެވެ.