މިދަނޑިވަޅުގައި އެކަކު އަނެކަކަށް އެހީތެރިވެ، ޤުރުޢާން ކިޔެވުން ގިނަކޮށް ﷲ އަށް ދުޢާ ކުރަން ޖެހޭ - ޝަހީމް
މިވަގުތަކީ ރާއްޖޭގެ ޤައުމީ ޙަޔާތުގައި އައި ވަރަށްވެސް ނާޒުކު ވަގުތެެއް ކަމަށާއި މި ޙާލަތުން އަރައިގަތުމަށް ލޮބުވެތި ރައްޔިތުން އެއްބައިވަންތަވެ އެކަކު އަނެކަކަށް އެހީވެ، ކެއްތެރިވެ، ކީރިތި ޤުރުއާން ކިޔެވުން ގިނަކޮށް ﷲ އަށް ދުޢާކުރަންޖެހޭ ކަމަށް ކުރީގެ އިސްލާމިކް މިނިސްޓަރ ޑރ މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ޝަހީމް ކުރެއްވި ޓްވީޓެއްގައި އޭނާވަނީ ސިއްޙީ އިރުޝާދުތަކަށް ބޯ ލަބަން ޖެހޭ ކަމަށްވެސް ވިދާޅުވެއެވެ.
މިވަގުތަކީ ރާއްޖޭގެ ޤައުމީ ޙަޔާތުގައި އައި ވަރަށްވެސް ނާޒުކު ވަގުތެެއް.މި ޙާލަތުން އަރައިގަތުމަށް ލޮބުވެތި ރައްޔިތުން އެއްބައިވަންތަވެ އެކަކު އަނެކަކަށް އެހީވެ، ކެއްތެރިވެ، ކީރިތި ޤުރުއާން ކިޔެވުން ގިނަކޮށް ﷲ އަށް ދުޢާކުރަންޖެހޭ.އަދި ޞިއްޙީ މާހިރުންގެ އިރުޝާދު ޤަބޫލުކުރަންޖެހޭ.
— Mohamed Shaheem Ali Saeed (@Mohamedshaheem1) April 16, 2020
ޝާހީމް މިފަދަ މޭރުމަކުން ވިދާޅުވެފައިވާއިރު، މިހާތަނަށް ރާއްޖެއިން މިބައްޔަށް ފައްސިވި މީހުންގެ އަދަދު 10 ކަށްވަނީ އަރާފައެވެ. މިއާއެކު ރާއްޖޭގައި އެއްރަށުން އަނެއް ރަށަށް ދިއުން މަނާކޮށް މުޅި ރާއްޖެވަނީ ލޮކްޑައުންގެ ހާލަތަކަށް ގެނެސްފައެވެ. މީގެ އިތުރުން ވެރިކަން ކުރާ ރަށް މާލެ އޮތީ ފުލް ލޮކްޑައުންއެއްގައެވެ.
Ads by STO
