ގިނަ އަދަދެއްގެ މަސްތުވާތަކެއްޗާއެކު 18 އަހަރުގެ ދިވެހި އަންހެނަކު ހައްޔަރުކޮށްފި

ގިނަ އަދަދެއްގެ މަސްތުވާތަކެއްޗާއެކު 18އަހަރުގެ ދިވެހި އަންހެނަކު ހައްޔަރުކޮށްފިއެވެ.

ކްރިމިނަލް ކޯޓުން މިއަދު ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ، އައިޝަތު ސައުސަން ނަމަކަށް ކިޔާ މީހެކެވެ.

އެ މައްސަލައިގައި އޭނާ 15ދުވަހަށް ބަންދުކުރަން ކޯޓުން އަމުރުކޮށްފައިވާ އިރު ސައުސަންގެ ކޮޓަރިން ގިނަ އަދަދެއްގެ މަސްތުވާތަކެތި ފެނުނުކަމަށް ވެސް ބަންދު އަމުރުގައި ބުނެފައިވެއެވެ.

ނަމަވެސް ފެނުނީ ކޮން ބާވަތެއް ކަމާއި އޭގެ ބަރުދަން ހާމައެއް ނުކުރެއެވެ.

ސައުސަންގެ މައްޗަށް ކޮށްފައިވަނީ މަސްތުވާތަކެތި ގެންގުޅުމުގެ އިތުރުން އެތަކެތީގެ ވިޔަފާރި ކުރުމުގެ ތުހުމަތެވެ.

ސައުސަންގެ ކުޑަކަމުދާތަކެތި ވެސް ވަނީ މަސްތުވާތަކެއްޗަށް ޕޮޒިޓިވްވެފައެވެ.