މާފަރު އެއާޕޯޓް ބޮޑުކުރުމުގެ ތިންވަނަ ފިޔަވަހި ފަށަން އަބޫ ދާބީ ފަންޑާއެކު މަޝްވަރާކޮށްފި
މާފަރު އިންޓަނޭޝަނަލް އެއާޕޯޓް ބޮޑުކުރުމުގެ ތިންވަނަ ފިޔަވަހި ފަށަން އަބޫދާބީ ފަންޑާ އެކު މަޝްވަރާކޮށްފިއެވެ.
ދެހާސް ނަވާރަނަ ވަނަ އަހަރު ހުޅުވި މާފަރު އިންޓަނޭޝަން އެއާޕޯޓަކީ އަބޫދަބީ ފަންޑުގެ އެހީގައި ބިނާކުރި އެއާޕޯޓެކެވެ.
ޓްރާންސްޕޯޓް މިނިސްޓަރު މުހައްމަދު އަމީން އެކްސްގައި މިއަދު ވިދާޅުވީ ރައީސް ޑރ. މުހައްމަދު މުއިއްޒުގެ ޒައާމަތުގެ ދަށުން އެ އެއާޕޯޓް އިތުރަށް ބޮޑުކުރެވެމުންދާ ކަމަށެވެ. އަދި މާފަރު އެއާޕޯޓު ބޮޑުކުރުމުގެ ދެވަނަ ފިޔަވަހީގެ ދަށުން ރަންވޭ 2.8ކިލޯ މީޓަރަށް ބޮޑުކުރެވި މިހާރު ވައިޑް ބޮޑީ އެއާކްރާފްޓް ޖެއްސޭކަން ވެސް މިނިސްޓަރު ފާހަގަކުރެއްވިއެވެ.
ތިން ވަނަ ފިޔަވަހީގެ ދަށުން އެއާޕޯޓުގެ ޓާމިނަލް ބޮޑުކުރުން ކަމަށާއި އަދި އެކަމާ ގުޅޭ ގޮތުން މިއަދު އަބޫދާބީ ފަންޑުގެ ބޭފުޅުންނާ އެކު މިއަދު މަޝްވަރާކުރެއްވި ކަމަށް ވެސް މިނިސްޓަރު ވިދާޅުވިއެވެ. އަމާޒަކީ ފަތުރުވެރިކަމާއި ދަތުރުފަރުގެ ކަންކަން އިތުރަށް ވަރުގަދަކުރުން ކަމަށް އަމީން ވިދާޅުވިއެވެ.
ފަތުުރުވެރިކަމުގެ ސީޒަން ގައި މާފުއްޓަށް ގިނަ އަދަދެއްގެ ޕްރައިވެޓް ޖެޓް ޖައްސާއިރު އޭގެން ބޮޑު އާމްދަނީއެއް ލިބެއެވެ.
ލިޔެފަ ލިޔެވުން އެއްޗެއް އޮތީ ރަނގަޅަށްތޯ ބެލުމެއް ނޯވެ ދޯ. މާފުށީ ފަރަށް ތަ ޖެޓު ޖައްސަނީ