މެއްސެއް މަރާލަން އުޅުމުގެ ތެރޭގައި ގޭގައި ރޯވީ އަލިފާން
މެހީގެ އުނދަގުލަކީ ގިނަ ބަޔަކަށް ދިމާވެފައިވާ ބޮޑު އުނދަގުލެކެވެ. މެހީގެ ސަބަބުން ޖެހޭ ބަލިތައް ވެސް ހަމަ އެހާމެ ގިނައެވެ. އާންމުކޮށް މެއްސަކީ މުޑުދާރު ތަންތަނުގައި އުޅޭ ކުދި ސޫތްޕެކެވެ. މިހާދިސާއަކީ ފްރާންސްގައި ދިރިއުޅެމުން އައި މީހެއް މެއްސެއް މެރުމަށް ކުރި މަސައްކަތުގެ ތެރެއިން ދިރިއުޅެެމުން އައި ގޭގައި އަލިފާން ރޯވި ހާދިސާއެވެ.
މިހާރު މެހި ފަދަ ސޫފިތައް މެރުމަށް އެކިކަހަލަ ކަރަންޓުގެ ސާމާނުތައް ވެސް ވަނީ އުފައްދާފައެވެ. ބައެއް ފަހަރު އެފަދަ އެއްޗެހީގެ ސަބަބުންވެސް ހީނުކުރާފަދަ ގެއްލުންތައް ވެފަ އެބަހުއްޓެވެ. އެގޮތުން މިއީވެސް ހަމަ އެފަދަ އެއްޗެއްގެ ސަބަބުން މީހަކަށް ލިބުނު ބޮޑު ގެއްލުމެއްގެ ވާހަކައެވެ.
އުމުރުން 82 އަހަރުގެ މި ފިރިހެން މީހާ އިށީނީ ރޭގަނޑުގެ ކެއުމަށް އިންސާފު ކުރުމަށެވެ. ވަރަށް ހަމަޖެހިލައިގެން ކެއުން ކުރިއަށް ގެންދަނިކޮށް އޭނާއަށް އުނދަގޫކުރަން އައީ މެއްސެކެވެ. ކަން ދިމާވި ގޮތުން ބަދިގޭގެ ގޭސް ފުޅިން ގޭސް ދިޔައީ ލީކު ވަމުންނެވެ.
މިކަން ނޭނގިހުރެ މިމީހާ އެ މެހި މެރުމަށް ޓަކައި ބޭނުން ކުރަމުން ދިޔައީ، ކަރަންޓު ޖައްސައިގެން މަދިރި އަދި މެހި ފަދަ ސޫފިތައް މެރުމަށް ބޭނުން ކުރާ ރެކެޓަކުންނެވެ. ކުއްލިއަކަށް ބަދިގޭގެ ގޭސްފުޅި ގޮވައި ގޭގެ ބޮޑު ބައެއްގައި އަލިފާން ރޯވީއެވެ.
މިހާދިސާގައި މިމީހާގެ އަތް ވަނީ ކޮންމެވެސް ވަރަކަށް ފިހިފައެވެ. އެހެންނަމަވެސް ބޮޑޫ ގެއްލުމެއް ލިބިފައިވަނީ ބަދިގެއަށާއި، ގޭގެ ފުރާޅަށް ކަމަށް ބޭރުގެ ޚަބަރުތަކުން މައުލޫމާތު ލިބެއެވެ. ހަމަ މިއަހަރުގައި ކެލިފޯނިއާގައި ދިރިއުޅޭ މީހަކު ވަނީ ކުރަފިތަކެއް އަންދާލުމަށްޓަކައި، މުޅި ގޭގައި އަލިފާން ރޯކޮށްލާފައެވެ.
ދެންވެސް މެހި މަދިރި މަރާ އިރު ބަލައިގެން މަރާތި އެހެންނުނީ މިގޮތަށް ގޭގައި އަލިފާން ރޯވެދާނެ.