ނޭހާ އާއި ރޯހަންޕްރީތު ކައިވެނި ކޮށްފި ، ވަރަށް ލޯބި!

އިންޑިއާގެ މަޝްހޫރު ލަވަ ކިޔުންތެރިޔާ ނޭހާ ކައްކަރު އާއި އޭނާގެ ލޯބިވެރިޔާ ޕަންޖާބީ ފަންނާނު ރޯހަން ޕްރީތު ސިންގް ކައިވެނި ކޮށްފިއެވެ.

Ads by MWSC

ރިޕޯޓުތައް ބުނާ ގޮތުގައި ދެ ތަރިން ކައިވެނިކޮށްފައި ވަނީ ހޮނިހިރު ދުވަހު ދިއްލީގައެވެ. ކައިވެނީގެ ހަފްލާ ހަމައެކަނި އާއިލާއާ ރައްޓެހިންނަށް ދައުވަތު ދީގެން ކުޑަގޮތަކަށް ބޭއްވިއިރު، ދެ ތަރިންގެ ކައިވެނީގެ ބޮޑު ރަސްމިއްޔާތެއް ޕަންޖާބުގައި އޮންނާނެ ކަމަށް އިންޑިއާ ބައެއް ނޫސްތަކުން ވަނީ ރިޕޯޓު ކޮށްފައެވެ.

ނޭހާ ކައިވެނިކޮށްފައިވާއިރު ކައިވެނީގެ ކުރިން ފުރިހަމަ ކުރި ބައެއް ކަންކަމުގެ ފޮޓޯ ނޭހާ އޭނާގެ އިންސްޓަގްރާމްގައި ވެސް ހިއްސާކޮށްފައި ވެއެވެ. އެގޮތުން ހަލްދީ އާއި މެހެދީ ހަފްލާ ގެ ފޮޓޯތައް ހިމެނެއެވެ.

ކުޑަ ހަފްލާއެއް ބޭއްވި ނަމަވެސް ނޭހާގެ ކައިވެނީގެ ބައެއް ފޮޓޯތައް ވަނީ މީސްމީޑިއާގައި ލީކުވެފައެވެ.