ކޮވިޑް19 ގެ އިތުރު އަލާމާތްތަކެއް ދެނެގަނެވިއްޖެ
އެމެރިކާގެ ސެންޓަރ ފޯރ ޑިސީސް ކޮންޓްރޯލް އިން ކޮރޯނާ ވައިރަސް ގެ އަލާމާތަތައް ކަމުގައި ބަލާ އަލާމާތްތައް އިތުރު ކޮށްފިއެވެ. ދާދި ފަހަކާއި ޖެހެންދެން ވެސް އެ ސެންޓަރުން ކޮވިޑް19 ގެ އަލާމާތްތައް ކަމުގައި ބަލަމުން އައީ ހުންއައުން، ކެއްސުން އަދި ނޭވާ ކުރުވުމެވެ.
ކޮވިޑް19 ގެ އަލާމާތްތައް ކަމުގައި ޔޫކޭ ގައި އަލަށް ބަލަން ފެށި އަލާމާތްތަކުގެ ތެރޭގައި ހިމެނެނީ ކަރަށް ތަދުވުން، ބޮލުގައި ރިހުން، ގައިގައި ރިއްސުން އަދި ހީކެރުވުން ހިމެނެއެވެ. މީގެ އިތުރުން ވަސް ނުދުވުމާއި ކާ އެއްޗެހީގައި ރަހަ ނުލުން ހިމެނެއެވެ.
މި އަލާމާތްތަކުގެ ތެރެއިން ކާ އެއްޗެހީގައި ރަހަ ނުލުމާއި ވަސް ނުދުވުމާއި ބެހޭ ގިނަ ދިރާސާ ތަކެއް އަދިވެސް ދުނިޔޭގެ އެކި ހިސާބުތަކުގައި އަންނަނީ ދިރާސާ ކުރެވެމުންނެވެ.
ކޮވިޑް19 ޖެހިފައިވާ މީހުންގެ އަދަދު ދުނިޔޭގައި 2,726,776 އަށް އަރާފައިވާއިރު ވައިރަސް ޖެހުނު 191,087 ވަނީ މަރުވެފައެވެ.
މިހާތަނަށް އެންމެ ގިނަ ބަޔަކަށް ވައިރަސް ޖެހިފައިވަނީ އެމެރިކާއިންނެވެ. އެމެރިކާ އިން 886,709 މީހުނަށް ވައިރަސް ޖެހިފައިވާއިރު އެއާ އެންމެ ގާތުން ވާދަކުރާ ސްޕެއިން އިން ބަލި ޖެހިފައިވަނީ 213,024 މީހުނަށެވެ. މީގެ އިތުރުންވެސް އިޓަލީ، ފްރާންސް، ޖާރަމަނީ ފަދަ ޔޫރަޕުގެ ގިނަ ގައުމުތަކަކީ ވައިރަސް އެންމެ ގަދަޔަށް ފެތުރެމުން އަންނަ ގައުމުތަކެވެ.
