އަމިއްލައަށް 99 ފޭސް ޝީލްޑް ތައްޔާރުކޮށް ކުޅުދުއްފުށި ހޮސްޕިޓަލަށް ހަދިޔާކޮށްފި
ކުޅުދުއްފުށި ސިޓީ ޒުވާނަކު އަމިއްލައަށް 99 ފޭސް ޝީލްޑް ތައްޔާރުކޮށް އެ ރަށު ރީޖިނަލް ހޮސްޕިޓަލަށް ހަދިޔާ ކޮށްފިއެވެ.
އަލީ ޒަކަރިއްޔާ ނަމަކަށް ކިޔާ އެ ޒުވާނާ 100 ފޭސް ޝީލްޑް ތައްރާރު ކޮށްފައިވަނީ 12 ގަޑިއިރެއްހާއިރު ތެރޭގައި ރަށުން ލިބެން ހުރި ތަކެތީގައި އެވެ. އެތަނުން އެކަތި އޭނާގެ އަމިއްލަ ބޭނުމަށް ބޭވީ އެވެ.
މީގެ އިތުރުން އޭނާ ވަނީ ގިނަ ބަޔެއްގެ އެދުމުގެ މަތިން ފޭސް ޝީލްޑް ތައްޔާރުކުރާނެ ގޮތުގެ ވީޑިއޯއެއް ހަދައި އެ ވީޑިއޯ ވަނީ މީސް މީޑިއާގައި އާންމު ކޮށްފައެވެ.
ކުރިން އެމްއެންޑީއެފްގައި އަދި ބައެއް ސްކޫލުތަކުގައި މެޑިކަލް އޮފްޝަލެއްގެ ގޮތުގައި މަސައްކަތްކުރި އަލީ ޒަކަރިއްޔާ "ކުޅުދުއްފުށި އޮންލައިން" އަށް ބުނީ ކުރިއަށް އޮތްތަނުގައިވެސް ފޭސް ޝީލްޑް ތައްޔާރުކޮށް ބޭނުންވާ ފަރާތްތަކަށް ހަދިޔާކުރާނެ ކަމަށެވެ.
އަލީގެ މި ދީލަތި އެހީއާއަކީ އެ ރަށުގައި ކޮވިޑް-19އާ ދެކޮޅަށް މަސައްކަތް ކުރަމުންދާ ސިއްހީ އެހީތެރިނަށް ލިބޭނެ ރަނގަޅު ހަދިޔާއެއްކަން ޔަގީނެވެ.
Ads by STO
