މާލޭގައި މި މަހުގެ 15 ވަނަ ދުވަހު ކޮވިޑަށް ފައްސިވެފައިވާ މީހަކު ފެނުމާ ގުޅިގެން އޭގެ ފަހުން އެތައް ބަޔަކަށް މާލެއިން ވަނީ މި ބަލި ޖެހިފައެވެ. އެޗްޕީއޭ އިން ލަފާ ކުރަނީ ކުރިޔަށް އޮތް ދުވަސްތަކުގައިވެސް މި ބައްޔަށް ޕޮޒިޓިވްވާނެ މީހުން ގިނަވާނެ ކަމަށެވެ.
ގޭގައި ކަރަންޓީނު ވާން ތައްޔާރަށް ތިއްބަވާ: އަމީން
ގޭގައި ކަރަންޓީނު ވާން ތައްޔާރަށް ތިއްބެވުމަށް ހެލްތު މިނިސްޓަރު އަބްދުﷲ އަމީން ވިދާޅުވެއްޖެއެވެ.
Ads by STELCO
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މިނިސްޓަރު އަމީން ވިދާޅުވީ ކަރަންޓީން ކުރުމާއި ފައްސިވާ ފަރާތްތަކާއި ދެތެރޭގައި ކަންކުރާ ގޮތާއި އެފަރާތްތަކުގެ ފަރުވާއާއި ދޭތެރޭ އިތުރަށް ގެންނަން ޖެހޭ ބަދަލުތަކާއި މެދު މަޝްވަރާ ކުރަމުން އަންނަ ކަމަށެވެ.
"ހުރިހާ ރައްޔިތުންވެސް ގޭގައި ކަރަންޓީން ކުރަން ޖެހިދާނެ ހާލަތަކަށް ތައްޔާރުވެގެން ތިއްބެވުމަކީ ކޮންމެހެން ކުރަން ޖެހޭ ކަމެއް." މިނިސްޓަރު އަމީން ވިދާޅުވިއެވެ.
އަމީން ވިދާޅުވީ، ބައްޔަށް ފައްސިވާވާ މީހުންގެ ތެރޭގައި ފަރުވާދޭންޖެހޭ ހާލަތަށް ނުދާ އެހެން ނަމަވެސް އާންމު ހާލަތުގައި ދިރިއުޅޭ މީހުން އެބަ ތިބި ކަމަށެވެ. އެފަދަ ފަރާތްތަކުގެ ހާލަތު ނާޒުކުވެގެންދާނެ ވަގުތަކަށް ޑޮކްޓަރުން ތައްޔާރުވެ، ފަރުވާދޭން ޖެހޭ ހާލަތަށް ތައްޔާރުވެގެން ތިބި ކަމަށާއި އެމީހެއްގެ ހާލަތު ކްރިޓިކަލް ވެއްޖެ ހާލަތެއްގައި ފަރުވާދެވެނޭ ގޮތްތަކާއި ދޭތެރޭ އަމަލު ކުރަން ޖެހޭ ކަމަށްވެސް އަމީން ވިދާޅުވިއެވެ.
Ads by Ooredoo
