މާލެ އިތުރު 8 މީހަކު ކޮވިޑް-19 އަށް ފައްސި ވެއްޖެ
މާލެ އިތުރު 8 މީހަކު ކޮވިޑް-19 އަށް ފައްސި ވެއްޖެއެވެ.
ހެލްތު ޕްރޮޓެކްޝަން އެޖެންސީ(އެޗްޕީއޭ) ބުނީ ފައްސިވެފައިވާ އަށް މީހުންނަކީ ވެސް ދިވެހިން ކަމަށެވެ. މި އަށް މީހުންނާއެކު މި ބައްޔަށް ފައްސިވި މީހުންގެ އަދަދު ވަނީ 137 އަށް އަރާފައެވެ.
ރާއްޖެއިން މި ބައްޔަށް ފައްސިވި މީހުންގެ ތެރޭގައި ހިމެނެނީ 66 ދިވެހިންނާއި، ބަންގްލަދޭޝްގެ 48 މީހަކާއި، އިޓަލީގެ 11 މީހަކާއި، އިންޑިއާގެ ހަތް މީހަކާއި، ލަންކާ އާއި އިނގިރޭސިވިލާތާއި ޖަރުމަނުން އެކަކު އަދި އިތުރު ދެ މީހެކެވެ.
ވެރިރަށް މާލެއިން މިބަލި ފެނުމާއި ގުޅިގެން ކޮންޓެކްޓް ޓްރޭސިން ހަދައި ބަލިޖެހުނު މީހުންނާ ސީދާ ދިމާވި ގިނަބަޔަކު ވަނީ ދެނެގަނެވިފައެވެ. މިހާރު ކުރިއަށްދަނީ މީހުންގެ ސާމްޕަލްތައް ނަގައި ޓެސްޓްކުރުމު މަސައްކަތެވެ. ބަލި ޖެހުނު މީހުންގެ ތެރޭގައި މާލޭގެ ފިހާރަތަކާއި ޑެލިވަރީގައި ހަރަކާތްތެރިވާ މީހުން ވެސް ހިމެނެއެވެ.
Ads by STO
