ރަޝިޔާގެ ރޮސިޔާ އެއާލައިނުން މިމަހު 14 ގައި ރާއްޖެއަށް ދަތުރުތައް ފަށަނީ

ރަޝިޔާގެ ބޮޑު އެއާލައިނެއް ކަމަށްވާ "ރޮސިޔާ" އެއާ ލައިނުން މިމަހު 14 ގައި ރާއްޖެއަށް ދަތުރުތައް ފަށާނެ ކަމަށް މޯލްޑިވްސް އެއާޕޯޓު ކޯޕަރޭޝަން ލިމިޓެޑް (އެމްއޭސީއެލް) އިން ބުނެފިއެވެ.

Ads by MWSC

މިއެއާލައިނުން ރާއްޖެއަށް ދަތުރުތައް ފެށުމާއެކު މޮސްކޯއިން ރާއްޖެއަށް ޑައިރެކްޓް ފްލައިޓު ޖެއްސޭނެ ކަމަށް އެމްއޭސީއެލުން ބުނެފައިވާއިރު، މި ދަތުރުތަކަށް ބޭނުން ކުރަނީ B747-400 މަރުކާގެ ބޯޓެކެވެ.

މި ދަތުރުތައް އަންނަ އަހަރުގެ އޮކްޓޯބަރު މަހުގެ 27 ހާއި ހަމައަށް ކުރިއަށް ގެންދާ ގޮތަށް ހަމަޖެހިފައިވާއިރު، އެއާލައިންގެ ދަތުރުތައް ކުރާނީ ކޮންމެ ހަފްތާއަކު ހޮނިހިރު ދުވަހު ކަމަށް ވެސް އެމްއޭސީއެލުން ވަނީ ބުނެފައެވެ.