އަދިވެސް ކެއާރ ރިއެކްޓް ނުލިބޭތަ؟ މިއޮތީ ހައްލު
ކޮވިޑް19 ގެ ސަބަބުން ލޯބިވާ އާއިލާ އާއި ރައްޓެހިންނާއި ދުރުގައި ތިބެން ޖެހޭ ހިނދު އެކަކު އަނެކަކާމެދު ގުޅުން ދަމަހައްޓާ ބަދަހިކުރަން ޖެހިފައިމިވަނީ ޓެކްނޮލޮޖީގެ ޒަރިއްޔާއިންއިންނެވެ. އެގޮތުން މީސްމީޑިއާއަކީ މިހާރު އެކަކު އަނެކަކާ ގުޅުން ބަދަހިކުރެވެން އޮތް އެންމެ ފަސޭހަ ވަސީލަތްތަކެވެ.
ދަނޑިވަޅުގައި އެންމެންނާއި ދުރުގައި ތިބޭއިރު، އެކަކު އަނެކަކާ އަޅާލާކަން ދެއްކުމަށް ޚާއްސަކޮށް ދުނިޔޭގެ އެންމެ ބޮޑު ސޯޝަލް މީޑިއާ ޕްލެޓްފޯމް ފޭސްބުކުން މިވަނީ "ކެއަރ" އިމޯޖީތަކެއް ނެރެފައެވެ. އެގޮތުން ފޭސްބުކް މެސެންޖަރއަށް ޚާއްސަކޮށް، ވިންދުޖަހަޖަހާ އޮންނަ ހިތެއް އަދި ފޭސްބުކް ފީޑަށް ޚާއްސަ ކޮށް، ރަތްކުލައިގެ ހިތެއްގައި ބައްދާލައިގެން ހުންނަ އިމޯޖީއެއްވަނީ ތަޢާރަފްކޮށްފައެވެ.
ނަމަވެސް އަދިވެސް ގިނަ ބަޔަކަށް މި ރިއެކްޓު ނުލިބޭ ކަމުގެ ޝަކުވާ ގިނަ ބަޔަކު އަންނަނީ ކުރަމުންނެވެ.
ފޭސްބުކުން ހާމަކުރާ ގޮތުގައި މި ރިއެކްޓު މީހުނަށް ދޫކުރަމުން އަންނަނީ މަޑުމަޑުންނެވެ. އެހެންނަމަވެސް ވަރަށް އަވަހަށް ހުރިހާ ފަރާތްތަކަށް ވެެސް މި ރިއެކްޓް ލިބިގެންދާނެއެވެ.
ނަމަވެސް އެހާ ދުވަހަށް ކެތް ނުކުރެޥޭނަމަ ފޭސްބުކުން ލޮގްއައުޓް ވުމަށް ފަހު އަލުން ލޮގިން ވެލާށެވެ. ރާއްޖޭގެ ގިނަ ބަޔަކަށް ވެސް މިގޮތަށް ކަން ކުރުމުން ކެއަރ ރިއެކްޓް ލިބިފައި އެބަހުއްޓެވެ.
