ފްލޮރިޑާއިން ޑައިނަސޯއަކާ ވައްތަރު އެއްޗެއް ފެނިއްޖެ
ޑައިނަސޯއަކާ ވައްތަރު އެލިގޭޓަރއެއް އެމެރިކާގެ ފްލޮރިޑާއިން ފެނިއްޖެކަމަށް ބޭރުގެ މީޑިއާތަކުން ރިޕޯޓް ކޮށްފިއެވެ.
މި އެލިގޭޓަރ ފެނިފައި ވަނީ ބުދަ ދުވަހުގެ ވަގުތެއްގައި އެ ގައުމުގެ ގޮލްފު ކޯޓަކުންނެވެ. އެ ސްޓޭޓަކީ އެހާ ގިނައިން ބޮޑެތި އެލިގޭޓަރ ފެންނަ ސްޓޭޓެއް ނޫނެވެ.
މި އެލިގޭޓަރ ފެނުނު މަންޒަރު ވީޑިއޯކޮށް އެސްޓޭޓުގެ ރައްޔިތަކު ވަނީ މީސްމީޑިއާގައި އާންމު ކޮށްފައެވެ. އަދި އޭނާއަަށް ދުވަހަކު ވެސް އެހާ ބޮޑު އެލިގޭޓަރ އެއް ނުފެންނަ ކަމަށް އޭނާ ބުންޏެވެ. އަދި ފުރަތަމަ އޭތި ފެނުމުން ހީކުރީ ޑައިނަސޯރ އެއް ކަމަށް ކަމުގައި ވެސް އޭނާ ބުނެފައި ވެއެވެ.
ގިނަ ބަޔަކު މީސްމީޑިއާގައި އެ ވީޑިއޯއަށް ކޮމެންޓު ކޮށް ބުނެފައިވަނީ އެއީ އެލިގޭޓަރ އެއްކަން ގަބޫލުކުރަން ދަތި ކަމަށެވެ. ސަބަބަކީ އެ ޖަނަވާރުގެ ބިޔަކަމެވެ.
ޑައިނަސޯރ އަކީ މީގެ 243 މިލިއަން އަހަރު ކުރިން ދުނިޔޭގައި އުޅުނު ޖަނަވާރެއް ކަމަށް ސައިންސްވެރިން ބުނެއެވެ. ނަމަވެސް ޑައިނަސޯރއަކީ އަސްލު އުޅުނު އެއްޗެއް ނޫން ކަމަށާއި އެއީ އަސްލެއް ނެތް ވާހަކަތަކެއް ކަަމަށް ބައެއް ފަރާތްތަކުން ގަބޫލު ކުރެއެވެ.
