އިތުރު 10 މީހުން ކޮވިޑް އަށް ފައްސިވެއްޖެ، ފައްސިވި މީހުންގެ އަދަު 551 އަށް
އިއްޔެ ރާއްޖެއިން އިތުރު 10 މީހުން ކޮވިޑް އަށް ފައްސިވެފައިވާކަން އެޗްޕީއޭ އިން ހާމަކޮށްފިއެވެ. ފައްސިވެފައިވަނީ 5 ދިވެހިންނާއި 5 ބިދޭސީންނެވެ.
އެއާއެކު ފާއިތުވި 24 ގަޑިއިރު ތެރޭގައި ފައްސިވި މީހުންގެ އަދަދު ވަނީ 24 އަށް އަރާފައެވެ. އަދި ރާއްޖެއިން ވައިރަހަށް ފައްސިވި މީހުންގެ ޖުމްލަ އަދަދު ވަނީ 551 އަށް އަރާފައެވެ.
އިއްޔެ ފުރަތަމަ ވައިރަހަށް ފައްސިވި 14 މީހުނަކީ ކޮންޓެކްޓް ޓްރޭސިންގެ ތެރެއިން ފާހަގަ ކުރެވުނު ބައެކެވެ. އަނެއް މީހަކީ އާ ކްލަސްޓާއެއް ކަމަށް އެޗްޕީއޭއިން ބުނެފައިވެއެވެ.
މިހާތަނަށް ރާއްޖެއިން ކޮވިޑަށް ޕޮޒިޓިވްވި 551 މީހުންގެ ތެރެއިން 191 މީހުންނަކީ ދިވެހިންނެވެ. އަދި 359 މީހުންނަކީ ބިދޭސީންނެވެ. މި މީހުންގެ ތެރޭގައި އިންޑިއާ، ލަންކާ، ބަންގްލަދޭޝް، ނޭޕާލް އަދި ޕާކިސްތާނު މީހުން ހިމެނެއެވެ. އެންމެ ގިނައީ ބަންގްލަދޭޝްގެ މީހުންނެވެ.
މިހާތަނަށް ރާއްޖޭގައި ކޮވިޑް19 ޖެހުނު އެކަކު ނިޔާވެފައިވާއިރު 18 މީހަކަށް ވަނީ ޝިފާ ލިބިފައެވެ.
