ރެސިޕީ: ކްލަބް ސޭންޑްވިޗް

ބޭނުންވާ ތަކެތި:

4 ފޮތި ޕާން

1/3 ސައި ސަމުސާ މުގުރި އަސޭމިރުސް

1/2 ސައި ސަމުސާ ހިމުންކޮށް ކޮށާފައި ހުރި ގިތެޔޮ މިރުސް

1/4 ޖޯޑ ހުންނަހާ ޓޫނާ ތެޔޮފެލާ ފުނޑުވާ ފައި ހުރި

2 ފޮތި ކިޔުކަމްބަރ

1/2 ސައި ސަމުސާ ލުނބޯހުތް

2 ފޮތި ޓޮމާޓޯ

1 ފޮތި ސްޕައިސް ޗީޒް

2 ބިސް ގިރާފައި

2 މޭޒުމަތީ ސަމުސާ ހިމުންކޮށް ކޮށާފައި ހުރި ފިޔާ

ލޮނު ކޮޅެއް

ބަޓަރ ކޮޅެއް

މެޔޮނައިސް

ތައްޔާރު ކުރާނެ ގޮތް :

ގިރާފައި ހުރި ބިހުގެތެރެއަށް ލޮނުކޮޅެއްލާފައި ބިސްގަނޑެއް އަޅާލާށެވެ .

ފިޔާ ،މިރުސް އަސޭމިރުސް ލޮނު ހުތް އެއްކޮށްފައި ރަނގަޅަށް މިކްސް ކޮށްލާށެވެ. ރަހަ ދޭ ވަރަށް މެޔޮނައިސް ކޮޅެއް އެއް ކޮށްލާށެވެ.

ޕާން ފޮތިތައް ކުޑަކޮށް ޓޯސްޓް ކޮށްލާށެވެ. ޕާން 2 ފޮތީގައި މެޔޮނައިސް ކޮޅެއް ހާކާފައި .އަނެއް 2 ފޮތީގައި ބަޓަރ ކޮޅެއް ހާކާލާށެވެ.

ޕާން ފޮއްޗެއްގެ މަތީގައި މަސް ފަތުރާފައި އަނެއް ޕާން ފޮތި ތަތްކޮށްފައި. ތަތްކުރި ޕާން ފޮތި މަތީގައި ބިސްގަނ ޑު ހަތަރެސް ކަން ކޮށްފައި ( ކަފާލާފައި ) ޕާން ފޮތި މަތީގައި ބާއްވާށެވެ. އަނެއް ޕާން ފޮތި ބިސްގަނޑު ލީ ޕާން ފޮތި މަތީގައި ބޭއްވުމަށް ފަހު 2 ފޮތިކިއުކަމްބަރ އާއި 2 ފޮތި ޓޮމާޓޯ އަތުރާލާފައި ޗީޒްފޮތިލާފައި އަނެއް ޕާން ފޮތި ތަތްކޮށްލާށެވެ. ދެން ހަތަރު ބަޔަށް ކަފާލާށެވެ .

ސާރވް ކުރާއިރު ޓޫތް ޕިކްއަކުން ޕާން ފޮތިތައް ހަރުކޮށްލާށެވެ .