1100 ވަނަ އަހަރު ދުނިޔެއަށް ހަނދު ނުފެނި، ހަނދު ގެއްލުނު ސަބަބު ސައިންސްވެރިން ހޯދައިފި
މީގެ 950 އަހަރު ކުރިން، 1100 ވަނަ އަހަރުގައި ދުނިޔެއަށް ހަނދު ނުފެނި އެތަކެއް މަސްތަކެއް ހޭދަވި ކަމަށް ސައިންސްވެރިން ބުނެފިއެވެ. އަދި ސައިންސްވެރިން ވަނީ އެގޮތަށް އެކަން މެދުވެރިވި ސަބަބު ވެސް ހޯދާފައެވެ.
ހަނދު ގެއްލުނު ސަބަބު ހޯދިފައިވަނީ ދާދި ފަހުން ޔުނިވާސިޓީ އޮފް ޖެނީވާ ގެ ސައިންސްވެރިން ކުރި ދިރާސާއަކުންނެވެ. އެ ދިރާސާގެ އަލީގައި ހަނދު ނެފެނުމުގެ ފަހަތުގައި ގައި ވަނީ އަލިފާން ފަރުބަދައިގެ އަޅި އާއި ސަލްފާ ގެ އިތުރުން ފިނި މޫސުން ކަމުގައި ސައިންސްވެރިން ބުރަވެއެވެ.
އެގޮތުން ހަނދު ނުފެނި ގެއްލުމަށް ދިމާވާ މައިގަނޑު ސަބަބަކީ އަލިފާން ފަރުބަދަ ގޮވުން ކަމުގައި ވެސް މި ދިރާސާއިން ހާމަވެއެވެ. އެގޮތުން އަލިފާން ފަރުބަދަތައް ގޮވުމުން ދުނިޔޭގެ ސަތަހައިގައި ވާ ސަލްފާ ގެ ލެވެލް މަތިވެއެވެ. އަދި އެކަމުގެ ސަބަބުން ޖައްވު ނުސާފުވެއެވެ.
މިފަދަ ގޮތަކަށް 1109 ވަނަ އަހަރުގެ ފަހު ކޮޅުގައި ވެސް ވަރަށް ބާރުގަދަ އަލިފާން ފަރުބަދައެއް ގޮވާފައިވެއެވެ. އަދި ޖެހިގެން އައި އަހަރު ދުނިޔޭގެ ސަތަހައަށް އަސަރުކޮށްފައިވަނީ މިކަމުގެ ސަބަބުން ކަމުގައި ސައިންސްވެރިން މިހާރު ގަބޫލު ކުރެއެވެ.
މީގެ ކުރިން ބެލެވިފައި އޮތީ ހަނދު ދުނިޔެއަށް ނުފެންނަނީ ހަނދުކޭތައެއްގެ ސަބަބުން ކަމަށެވެ.
