ކުޑަކުދިންގެ ރައްކާތެރިކަމަށް ކުރަމުންދާ މަސައްކަތް ހުއްޓައެއް ނުލަން: ރައީސް
ކޮވިޑް-19އާ ކުރިމަތިލަމުންދާ މިދަނޑިވަޅުގައިވެސް ކުޑަކުދިންނަށް އުފާވެރި މުސްތަގުބަލެއް ހޯދައި ދިނުމަށް ކަނޑައަޅާފައިވާ އަމާޒަށް ވާސިލްވުމަށް ސަރުކާރުން މަސައްކަތް ހުއްޓާނުލާނެ ކަމަށް ރައީސް އިބްރާހިމް މުހައްމަދު ޞާލިހު ވިދަޅުވެއްޖެއެވެ.
ކުޑަކުދިންގެ ދުވަހުގެ ތަހުނިޔާ ފޮނުއްވައި ރައީސް ސޯލިހު ކުރެއްވި ޓްވީޓްގައި ވިދާޅުވީ ކޮވިޑް-19ގެ ނުރައްކަލުން ކުޑަކުދިން ސަލާމަތް ކުރުމަށް ކެނޑިނޭޅި މަސައްކަތް ކުރަމުންދާއިރު، އެކުދިންނަށް ބޭނުންވާ ރަނގަޅު ޞިއްޚީ ރައްކާތެރިކަމާއި، ތައުލީމު ކަށަވަރު ކޮށްދިނުމާއި، ކުޑަކުދިންނަށް ކުރާ އެކިބާވަތްތަކުގެ އަނިޔާއިން އެކުދިން ރައްކާތެރިކޮށްދިނުމަކީ ސަރުކާރުން މިހާލަތުގައިވެސް ކަށަވަރުކޮށްދޭ ކަމެއް ކަމަށެވެ.
A very happy children’s day to all children. As we battle COVID 19, I want to reaffirm our goal to keep our children safe not only from this disease but also secure a happy future for them by ensuring they have access to good nutrition, education, and protection from violence.
— Ibrahim Mohamed Solih (@ibusolih) May 10, 2020
ކޮންމެ އަހަރެއްގެވެސް މޭ މަހުގެ 10 ވަނަ ދުވަސް ކުޑަކުދިންގެ ދުވަހުގެ ގޮތުގައި ވަރަށް ކުލަގަދަގޮތަކަށް ފާހަގަކުރަމުން ދިޔަ ނަމަވެސް މިއަހަރު މި ދުވަސް ދިމާވެފައި މިވަނީ ކޮވިޑްގެ ސަބަބުން މުޅި ގައުމު ހުއްޓުމަކަށް އައިސްފައިވާ ދަނޑިވަޅެއްގައެވެ.
Ads by STO
